दुनियाँको पहिलो व्यक्ति जो चन्द्रमामा घुम्न जाँदैछन्

 असोज ४, २०७५ बिहीबार ८:५८:१ | उज्यालो सहकर्मी
unn.prixa.net

हामी चन्द्रमामा जाने सपना देख्छौँ । विज्ञान र प्रविधिको युगमा मानिस चन्द्रमामा पनि घुम्न जाने भैसकेका छन् । एलन मस्कको एयरोस्पेस कम्पनी स्पेसएक्सले चन्द्रमा भ्रमणमा जाने पहिलो यात्रीको नाम घोषणा गरिसकेको छ ।

चन्द्रमा भ्रमणमा ४२ वर्षीय जापानी अर्बपती युसाकु मायेजावा संसारको पहिलो ‘प्राइभेट प्यासेन्जर’ को रुपमा जाने भएका छन् । स्पेसएक्सका अनुसार यो मिसन सन् २०२३ को लागि निश्चित भएको छ । सन् १९७२ पछि चन्द्रमाको यात्रामा जाने उनी पहिलो यात्री हुन् । स्पेसएक्सले यसबारे मंगलबार क्यालिफोर्नियामा रहेको मुख्यालयमा जानकारी गराएको हो ।

तर पनि यो भ्रमण निश्चित छैन । भ्रमण रकेटमा निर्भरमा हुन्छ । जुन अहिलेसम्म बनिसकेको छैन । एलन मस्कले भने यो भ्रमण निश्चित हुने दावी गरेका छन् ।

स्पेसएक्सले सन् २०१६ मा बिग फ्याल्कन रकेट निर्माण गरेको थियो । यो रकेटबाट आम मानिसहरुका लागि चन्द्रमा भ्रमणको यात्रालाई सहयोग गर्ने अपेक्षा गरिएको थियो । 

चन्द्रमा भ्रमणमा निस्कने युकासु मायेजावा को हुन् ?

युसाकु जापानका व्यापारी हुन् । न्यूयोर्कमा आर्टिस्ट जीन मिशेल वास्केटको पेन्टिङलाई उनले ११०.५ मिलियन डलरमा किनेका थिए । त्यसपछि उनी निकै चर्चामा आएका थिए ।

यो यात्रामा मायेजावासँगै संसारका ६ जना आर्टिस्ट पनि सँगै जानेछन् । पृथ्वीमा फर्किएपछि  आफ्नो अनुभवलाई चित्रमा परिवर्तन गर्नका लागि उनले ती आर्टिस्टलाई पनि सँगै लैजाने निर्णय गरेको बताएका छन् ।

नयाँ रकेट

विश्वबाट अहिलेसम्म २४ व्यक्तिले चन्द्रमामा पाइला टेकिसकेका छन् । ती सबै अमेरिकी हुन् । सन् १९७२ मा अमेरिकी स्पेस एजेन्सी नासाले अन्तिम पटक चन्द्रमामा मानिसलाई लगेको थियो ।

युकासु मायेजावाले चन्द्रमामा पाइलामात्र टेक्नेछैनन् । उनले चन्द्रमामा यात्रा पनि गर्नेछन् । उनी बिग फ्याल्कन रकेटमार्फत अन्तरिक्षमा जानेछन् र फेरि पृथ्वीमा फर्केर आउनेछन् ।

गएको सोमबार मस्कले भीएफआरको नयाँ डिजाइनको एउटा तस्बिर ट्वीट गरेका थिए । जुन पछिल्लो स्पेसक्राफ्ट रकेटभन्दा भिन्नै छ । 

एलन मस्क सिलिकन भ्यालीका चर्चित व्यापारी हुन् । उनी इलेक्ट्रिक कार बनाउने कम्पनी टेस्लाका संस्थापक पनि हुन् । उनले सन् २००२ मा एरोस्पेसको कम्पनी स्पेक्सएक्स सुरु गरेर सन् २०१७ मा कम्पनीले डिजाइन गरेको रकेट अन्तरिक्षमा पठाउन सफल भएका थिए ।

बीबीसी हिन्दीबाट 
 

अन्तिम अपडेट: मंसिर २५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

निजामती कर्मचारी ऐन संशोधन माथि छलफल शुरू

२

विद्रोहीले कब्जा गरेसँगै सिरियामा इजरायलको हवाई आक्रमण

३

रौतहट जीप दुर्घटना अपडेट : ज्यान गुमाउने आठ जनाको परिचय खुल्यो

४

लामिछानेमाथि भइरहेको अनुसन्धानलाई प्रभावित पार्ने गरी गतिविधि नगर्न गृहमन्त्री लेखकको आग्रह

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई