बाटो खन्दै गरेको एस्काभेटर पहिरोले बगायो

जेठ २२, २०७५ मंगलबार १९:५२:४० | केशवप्रसाद भट्टराई

ताप्लेजुङ – हिमाली जिल्ला ताप्लेजुङको फक्ताङलुङ गाउँपालिका–२, खेजेनिममा सडक खन्ने क्रममा पहिरोले एस्काभेटर बगाउदा एक जनाको ज्यान गएको छ ।

साझ ६.४० बजे खेजेनिमको फागुखोला भन्ने ठाउँमा सडक खनिरहेको बा २ क ५३६३ नम्बरको एस्काभेटरलाई माथिबाट झरेको पहिरोले बगाउँदा पाँचथरको हिलिहाङ गाउँपलिका २ का ३८ वर्षका कृष्णप्रसाद कटुवालको ज्यान गएको स्थानीयबासिन्दा डिल्ली कार्कीले जानकारी दिनुभएको छ ।

हान्दु्रङ–खोक्लिङ–सावादिन–खेजेनिम–इखाबु–लेलेप–ओलाङचुगोला सडक उपभोक्ता समितिका सचिव समेत रहनु भएका कार्कीले स्काभेटर पहिरोले करिब ५ सय मिटर तलसम्म बगाएकोले मृतकको शव समेत निकाल्न कठिन भएको बताउनुभयो ।

एस्काभेटरका सहचालक भने पहिरो झरेको देखेपछि उफ्रिएर बाँच्न सफल भएका छन् । जिल्ला प्रहरी कार्यालय ताप्लेजुङका डीएसपी ज्ञानेन्द्रबहादुर बस्नेतले एस्काभेटर पहिरोले बगाएर घटना भएको जानकारी आएको र घटनास्थलतिर सिवा प्रहरी चौकीबाट प्रहरी पठाइएको बताउनुभयो । डीएसपी बस्नेतले चौकीदेखि १ घण्टाभन्दा बढी समय लाग्ने भएका कारण त्यो स्थानमा पुग्न केही समय लाग्ने बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्