कर्णाली प्रदेशका मुख्यमन्त्रीभन्दा मन्त्रीहरु धेरै धनी

जेठ २२, २०७५ मंगलबार २०:४०:३३ | मुना हमाल

सुर्खेत– कर्णाली प्रदेशको मुख्यमन्त्रीदेखि मन्त्रीको सम्पत्ति सार्वजनिक गरिएको छ ।

सरकार गठन भएको करिब साढे तीन महिनापछि मंगलबार कर्णाली सरकारको मुख्यमन्त्रीसहित मन्त्रीहरुको सम्पत्ति विवरण मुख्यमन्त्री तथा मन्त्रिपरिषदको कार्यालयले सार्वजनिक गरेको हो ।

मुख्यमन्त्री महेन्द्रबहादुर शाहीको कालिकोटको पचाल झरना गाउँपालिकामा बुवाको नाममा पुख्र्यौली घर भएको उल्लेख गरिएको छ । त्यस्तै कैलालीमा श्रीमती चन्द्राकुमारी शाहीको नाममा घडेरी, ६ तोला सुन र २ सय तोला चाँदी रहेको छ । शाहीको बैंकमा सात लाख नगद रहेको छ । यस्तै विभिन्न संस्थामा १० लाख १० हजार शेयर रहेको छ । शाहीसँग मारुतीको १५ लाख रुपैयाँ पर्ने कार पनि छ । शाहीले ५ हजार कुखुरा पालन र पाँच रोपनी जग्गामा तरकारी खेती गरेको सम्पत्ति विवरणमा उल्लेख गरेका छन् ।

यसैगरी आर्थिक मामिला तथा योजना मन्त्री प्रकाश ज्वालाको सल्यान बनगाड कुपिण्डे नगरपालिकामा एउटा घर, बर्दिया, दाङ्ग र काठमाण्डौँमा जग्गा भएको उल्लेख गरेका छन् । उनीसँग नगद .१५ लाख रुपैयाँ, तीन तोला सुन र १० तोला चाँदी रहेको छ ।

आन्तरिक मामिला तथा कानुन मन्त्री नरेश भण्डारीसँग १५ तोला सुन र १० तोला चाँदी भएको सम्पत्ति विवरणमा उल्लेख गरिएको छ । उनीसँग एउटा मोटरसाइकल पनि रहेको विवरणमा उल्लेख गरिएको छ ।

सामाजिक विकास मन्त्री दल बहादुर रावलको श्रीमती अनिता केसीको नाममा नेपालगञ्जमा दुई तलाको घर, हुम्लामा बुबाको २ वटा घर रहेको उल्लेख छ । यस्तै वीरेन्द्रगर १६ मा १६ धुुर जग्गा रहेको छ । मन्त्री रावलले ५५ तोला सुन र एकसय ५० तोला चाँदी रहेको उल्लेख गरेका छन् । उनले सुन चाँदी विवाहमा दाइजो आएको स्रोत खुलाएका छन् । विभिन्न बैंकमा २७ लाख १८ हजार नगद रहेको उल्लेख गरिएको छ । श्रीमति अनिता केसीको नाममा २४ लाख रुपैयाँ बैंक ब्यालेन्स रहेको छ । त्यो रकम पारिश्रमिकबाट प्राप्त भनेर स्रोत खुलाइएको छ । के बापतको पारिश्रमिक भन्ने खुलाइएको छैन । मन्त्री रावलको नाममा राष्ट्रिय बाणिज्य बैंकमा एक लाख ५३ हजार रुपैयाँ भएको उल्लेख छ जसको स्रोत विविध भनी उल्लेख छ । यसैगरी सम्पति विवरणमा मन्त्री रावलसँग भैसी ३ वटा, भेडाबाख्रा ५४ वटा रहेको पनि उल्लेख गरिएको छ ।

भूमि व्यवस्था, कृषि तथा सहकारी मन्त्री विमला केसीको नाममा रुकुममा एउटा घर, दाङ्ग र सुर्खेतमा पनि जग्गा रहेको उल्लेख गरिएको छ । पिपुल्स इनर्जी लिमिटेडमा कुखुरापालन र रेष्टुरेन्टमा १५ लाखको शेयर रहेको देखाइएको छ ।

पर्यटन मन्त्री नन्दसिंह बुढाकोे १५ तोला सुन, एक केजी चाँदी रहेको छ । सुनको स्रोत विभिन्न व्यापारबाट भनने उल्लेख छ भने डोल्पामा पुख्र्यौली सम्पति भएको सम्पति विवरणमा उल्लेख गरिएको छ ।

भौतिक पूर्वाधार मन्त्री खड्कबहादुर खत्रीको नौ ठाउँमा जग्गा रहेको छ । भेरीगंगा नगरपालिकामा १३ रोपनी, काठमाडौंमा २ रोपनी र भक्तपुरमा २ रोपनी जग्गा रहेको छ । उनले विभिन्न बैंकहरुबाट ऋण लिएको र व्यवसायबाट प्राप्त रकमबाट जग्गा किनेको सम्पति विवरणमा उल्लेख गरिएको छ । उनीसँग २१ तोला सुन र एक किलो चाँदी रहेको छ ।

मन्त्री खत्रीले प्रतिक कन्ट्रक्सन सेवाको नाममा ३ वटा मोटरसाइकल, ५ वटा एक्स्काभेटर, ८ वटा टिपर, एउटा ट्रक, एउटा टेलर ट्रक, भ्याक्कुलोडर ३ वटा र श्रीमतीको नाममा एउटा स्कुटर रहेको छ । यो सबै नेपाल बंगलादेश बैंकबाट ऋण लिएर किनेको उल्लेख गरिएको छ । उनले विभिन्न संस्था तथा कम्पनीमा ११ करोड ८६ लाख ७१ हजार रुपैयाँ बराबरको शेयर लिएको उल्लेख गरिएको छ ।
े

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्