१० देशका कुखुरा विज्ञको सम्मेलन चितवनमा

असोज १८, २०७५ बिहीबार १३:२:५३ | राधेश्याम खतिवडा

चितवन – चितवनको कृषि तथा वनविज्ञान विश्वविद्यालयमा अन्तर्राष्ट्रिय पोल्ट्री(कुखुरा) विज्ञहरुको सम्मेलन हुने भएको छ । कात्तिक ११ गतेदेखि १३ गतेसम्म हुने कृषि तथा वनविज्ञान विश्वविद्यालय परिसरमा हुने सम्मेलनमा विभिन्न १० देशका पोल्ट्री(कुखुरा) सम्बन्धी विज्ञहरूको सहभागिता आयोजकले बताएका छन् ।

विश्वविद्यालयले (आज)विहीबार भरतपुरमा पत्रकार सम्मेलन गरी नेपालमा पहिलो पटक हुन लागेको अन्तर्राष्ट्रियस्तरको पोल्ट्री सम्मेलनमा नेपाल, भारत, जापान, अष्ट्रेलिया, जर्मनी, बंगलादेश, इजिप्ट, अमेरीका र भुटान १० देशका १ सय १० भन्दा बढी वैज्ञानिकहरुको सहभागिता रहने आयोजक समितिको अध्यक्ष प्राडा शारदा थपलियाले जानकारी दिनुभयो ।

सम्मेलनमा नेपालका कुखुरा उद्योगहरु, व्यवसायीक किसानहरुसहित यो क्षेत्रसँग सम्बन्धित विभिन्न संघ संस्थाहरुको सहभागीता रहने जानकारी दिदै उहाँले कुखुरा उत्पादन र व्यवस्थापन, अध्ययन, अनुसन्धान, प्रविधि विकासका विषयमा अध्ययन अनुसान्धानका विषयमा छलफल हुने डा थपलियाले जानकारी दिनुभयो ।

‘खाद्य स्वच्छता र सुरक्षाको लागि पोल्ट्रीको माग परिपूर्ति’ भन्ने मूल नाराका साथ हुन लागेको सम्मेलनमा १७ वटा विषेश आमन्त्रित, ३३ वटा मौखिक र ६२ वटा पोष्टरसहितको कार्यपत्र प्रस्तुत गरिने जानकारी दिँदै डा. शारदा थपलियाले सम्मेलनमा उत्कृष्ट हुने कार्यपत्र पोष्टरहरुलाई पुरस्कृत गर्ने पनि कार्यक्रम रहेको बताउनुभयो ।

सम्मेलनमा सम्मेलनमा भाग लिन भारतीय पोल्ट्री साइन्स एसोसिएसनका उपाध्यक्ष प्रा.डा देवेन सापकोटा, जापनिज पोल्ट्री साइन्स एसोसिएसनका उपाध्यक्ष डा. नाओकी गोतो, पोल्ट्री अनुसन्धान फाउन्डेसन, अष्ट्रेलियाका निर्देशक पिटर गु्रभ्स, भारतीय कृषि अनुसन्धान परिषदरकेन्द्रिय कुखुरा अनुसन्धान संस्थानका निर्देशक एस.सी. गिरी लगायत विदेशी वैज्ञानिकहरूको सहभागिता रहनेछ ।

विश्वविद्यालयका उपकुलपति प्रा.डा. इश्वरीप्रसाद ढकालले कुखुरा पालन क्षेत्रमा सरकारी र नीजि क्षेत्रको लागि यो सम्मेलन ज्ञान आदान–प्रदान गर्नका लागि महत्वपूर्ण हुने बताउनुभयो । सम्मेलनमा विभिन्न देशमा पोल्ट्रिसम्बन्धी भैरहेका अनुसन्धान हाल देखिएका समस्याका विषय गहन छलफल हुनेभएकाले सबैका लागि फलदायी हुने बताउनुभयो ।

देशको कुल मासु उत्पादनको करिब १७ दशमलव २ प्रतिशत हिस्सा पोल्ट्री क्षेत्रले ओगटेको छ । नेपालको कुल ग्रार्हस्थ उत्पादनको करिब ४ प्रतिशत र कुल कृषि गार्हस्थ उत्पादनको करिब ८ प्रतिशत हिस्सा पोल्ट्री क्षेत्रले ओगटेको छ ।

नेपालको व्यवसायिक कुखुरापालनबाट राज्यले वार्षिक ३३ अर्ब ७२ करोड आर्थिक उपार्जन गरिरहेको तथ्यांक रहेको छ । पोल्ट्रि क्षेत्रमा करिब १ लाख ५० हजार प्रत्यक्ष र अप्रत्यक्ष रोजगारी पाएका छन् । पशु सेवा विभागको सन् २०१७ को तथ्याङ्क अनुसार नेपालमा करिब ७ करोड कुखुरा रहेको पाइन्छ ।

पोल्ट्रीमा नेपाल आत्मनिर्भर भए पनि दाना तथा औषधिमा भने परनिर्भर हुने अवस्था रहेको नेपाल उद्योग वाणिज्य महासंघका केन्द्रीय सदस्य डा. तिलचन्द्र भट्टराईले बताउनुभयो ।

वार्षिक १६ अर्ब बराबरको कच्चा पर्दाथ र त्यसमा ७० प्रतिशत हिस्सा मकैं विदेशबाट आयात गर्नुपरेको उहाँले बताउनुभयो । यस्ता सम्मेलनले कुखुरापालन व्यवसायमा रहेका निजी क्षेत्रलाई सहयोग पुग्ने बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधेश्याम खतिवडा

राधेश्याम खतिवडा उज्यालोका चितवन सहकर्मी र नेपाल पत्रकार महासंघ चितवन शाखाका पूर्व अध्यक्ष हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्