स्थानीय तहका जनप्रतिनिधिलाई नयाँ कानुन पढाउँदै कांग्रेस !

असोज २०, २०७५ शनिबार १५:४:११ | जनार्दन घिमिरे

गुल्मी – भदौ १ गतेदेखि लागू गरिएको मुलुकी फौजदारी र देवादी संहिता र स्थानीय तहको अधिकार, कर्तव्य र दायीत्व सम्बन्धी जानकारी गराउने उद्देश्यले नेपाली कांग्रेस गुल्मीले आफ्ना जनप्रतिनिधिहरुलाई प्रशिक्षण दिन शुरु गरेको छ ।

नेपाली कांग्रेस अन्र्तगत गठन भएको स्थानीय तह विभागको आयोजनामा नेपाली कांग्रेसवाट गुल्मी जिल्लाको स्थानीय तहमा निर्वाचित सम्पूर्ण जनप्रतिनिधिहरुलाई लक्षित गरी प्रशिक्षण सञ्चालन गरिएको हो ।

सदरमुकाम तम्घासमा सञ्चालन गरिएको त्यस कार्यक्रममा नेपालको संविधान २०७२, स्थानीय सरकार सञ्चालन ऐन, मुलुकीय फौजदारी र देवानी संहिता, संवैधानिक मौलिक हकहरु, आर्थिक अनुशासन र प्राविधिक ज्ञानलगायतका विभिन्न विषय बस्तुहरुको बारेमा जनप्रतिनिधिहरुलाई जनाकारी दिइएको नेपाली कांग्रेसका पार्टी सभापति भुवनप्रसाद श्रेष्ठले बताउनुभयो ।

कार्यक्रमबाट नयाँ कानुनमा लागू गरिएका विषय बस्तुहरुको बारेमा जनाकारी गराएपछि स्थानीय तहका जनप्रतिनिधिहरुलाई काममा थप सहजता हुने र स्थानीय तहका जनप्रतिनिधिहरुले आफ्नो अधिकार, कर्तव्य र दायीत्व बुझ्ने नेपाली कांग्रेस गुल्मीले जनाएको छ ।

प्रशिक्षणमा नेपाली कांग्रेसका केन्द्रिय सदस्य बद्री पाण्डे, जिल्ला न्याधिवक्ता लक्ष्मण घिमिरे, जिल्ला अदालत गुल्मीका श्रेस्तेदार दुर्गा बस्याल, नेपाल बार एसोसियसन गुल्मीका पूर्व अध्यक्ष विष्णु वलाल, प्रशिक्षण विभाग प्रमुख छन्द पहराई, चन्द्रकोट गाउँपालिका अध्यक्ष दोर्णबहादुर खत्री, सीता घिमिरेलगायतका व्यक्तिहरुले नयाँ मुलुकी फौजदारी, देवानी संहिता, स्थानीय तहको कानुन लगायतका विषयमा सहजीकरण गर्नु भएको थियो ।

कार्यक्रममा नेपाली कांग्रेसका नेतारुहरुले कांग्रेसबाट जिल्लाको स्थानीय तहमा निर्वाचित गाउँपालिका अध्यक्ष, उपाध्यक्ष, नगर तथा गाउँपालिकाका वडा अध्यक्ष, कार्यपालीका सदस्य र अन्य सदस्यहरुलाई राज्य शक्तिको दुरुपयोग नगरी पाँच वर्ष भित्रमा राम्रो काम गरेर पार्टी र नागरिकको शिर उचो हुने गरी कार्य सम्पादन गर्न निर्देशन दिएका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्