नेपाली कांग्रेसका सांसदले प्रदेशसभाको बैठक अवरुद्ध गरे

जेठ २४, २०७५ बिहीबार १६:२०:२२ | मुना हमाल

सुर्खेत – कर्णाली प्रदेशसभाको आजको बैठक प्रतिपक्ष दल नेपाली कांग्रेसका सांसदहरुले अवरुद्ध गरेका छन् ।

सरकारले दिनप्रतिदिन प्रदेशको बेइज्जती बढाएको भन्दै नेपाली कांग्रेसका संसदीय दलका नेता जीवनबहादुर शाहीले बैठक अवरुद्ध गर्नुभएकाे थियार् । आज ३ बजे बस्ने भनिएको बैठक झण्डै ४० मिनेट पछि बसेको थियो । बैठकको सरुवावातमै शाहीले सरकारले अझैसम्म पनि केही काम गर्न नसकेको र पहिले कर्णाली रारा पर्यटन वर्ष उद्घाटनमा भएको खर्च सार्वजनिक नगरेको शाहीले बताउनभयाे । मनपरी रुपमा सरकार अघि बढेको र बजेटलाई पनि राम्रोसँग कार्यान्वयन नगरेको भन्दै पुरानो हिसाबकिताब सार्वजनिक नगरेसम्म संसद चल्न नदिने भन्दै कांग्रेस सांसदहरु बैठकमा उठेर अवरुद्ध गरेका थिए ।

पुरानो नीति तथा कार्यक्रम कार्यान्वयन नहुँदै नयाँ आउन पनि आवश्यक नरहेको सांसद शाहीले बताउनुभयो । उहाँले काठमाडौंमा भएको राष्टपति रनिङ सिल्ड प्रतियोगितामा कर्णाली प्रदेशका खेलाडीहरुलाई जर्सीको व्यवस्था नगरेको, राजधानीकै सडक अवस्था नसुध्रिएको भन्दै शाहीले सरकारले ध्यान नदिएर दिनप्रतिदिन बेइज्जत गरेको बताउनु भयो । बजेट आएको ४५ दिन पुग्दा पनि रातो किताब सरकारले नदिएको शाहीले बताउनुभयो ।

सभामुख राजबहादुर शाहीले दुई पटकसम्म बस्न अनुरोध गरे पनि सासदहरुले नमानेपछि आधा घण्टाको लागि बैठक स्थगित भएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्