स्थानीयको विरोधपछि हट्यो सडक बत्ती र दमकलको सेवा शुल्क

असोज ३०, २०७५ मंगलबार ९:४३:२९ | सुजता सुनुवार

इलाम - इलाम नगरपालिकाले सडक बत्ती र दमकल प्रयोग गरे वापत लिँदै आएको सेवा शुल्क अबदेखि नलिने भएको छ । स्थानीयको विरोधपछि नगरपालिकाले सडक बत्ती र दमकलको सेवा शुल्क खारेज गरेको हो ।

यस्तै नगरपालिकाले विभिन्न शीर्षकमा लिँदै आएको करको दर पनि घटाएको छ । नगर कार्यपालिकाको बैठकबाट करमा पुनरावलोकन गरिएको नगरपालिकाका मेयर महेश बस्नेतले जानकारी दिनु भयो ।

करको पुनरावलोकन गर्न बनाइएको समितिले प्रतिबेदन बुझाएपछि बैठक बसेर विभिन्न शीर्षकका करको दर घटाइएको उहाँले बताउनुभयो । नगरपालिकाले एकिकृत सम्पत्ति करमा सडक बत्ती र व्यवसाय करमा दमकलबाट लिँदै आएको २०/२० प्रतिशत सेवा शुल्क खारेज गरेको छ । भूमिकरमा समेत फेरबदल गरेको नगरपालिकाले जनाएको छ ।

यस्तै इलामनगरपालिका भित्रका स्वास्थ्य संस्थामा प्रसुती गराउन आउने नगरभित्रका महिलाहरुलाई यातायात खर्च बापत एक हजार रुपैंयाँ उपलब्ध गराईने निर्णय पनि बैठकले गरेको छ ।

सरकारले स्वास्थ्य संस्थामा प्रसुती गराउदा दुई हजार रुपैंयाँ प्रोत्साहन भत्ता दिँदै आइरहेको समयमा इलामनगरपालिकाले नगरबासिका लागि थप एक हजार रुपैंयाँ दिने निर्णय गरेको हो । नगर कार्यापालिकाले गरेको निर्णयहरु आउँदो कात्तिक १ गतेबाट लागू हुने नगरपालिकाका मेयर बस्नेतले जानकारी दिनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्