बाँकेमा गलत भ्याक्सिन लगाएका कारण शिशुको निधन भएको परिवारको दाबी

कात्तिक १०, २०७५ शनिबार १८:३५:८ | गोविन्द शर्मा

बाँके – बाँकेको जानकी गाउँपालिका वडा नम्बर ३ रम्मपुरमा ५० दिने शिशुको निधन भएपछि स्थानीय बासिन्दा आक्रोशित भएका छन् ।

स्थानीय बासिन्दाले खोप लगाएका कारण नाबालकको ज्यान गएको भन्दै स्वास्थयकर्मीलाई कारबाही गर्न माग गरेका छन् । इन्द्रपुरका लामुद्धिन नाउ शुक्रबार बिहान १०.३० बजेतिर छोरालाई सुई लगाएर घर फर्केका थिए । बच्चाको शनिबार बिहान ४ बजेतिर निधन भएको परिवारले जनाएको छ ।

स्वास्थ्य चौकीमा शुक्रबार शिविर सञ्चालन भएको थियो । जिल्ला जनस्वास्थ्य कार्यालय बाँकेका निमित्त प्रमुख रामबहादुर चन्दले बालकको मृत्युको कारणका विषयमा छानबिन हुने बताउनुभयो ।

भ्याक्सिन लगाएको भोलिपल्ट घटना भएका कारण सोही कारण बालकको मृत्यु भएको भन्न नसकिने उहाँको भनाई छ । तर परिवारले आरोप लगाइसकेपछि केन्द्रबाट छानबिन हुने उहाँले जानकारी दिनुभयो ।

परिवारले स्वास्थ्यकर्मीले फरक भ्याक्सिन लगाएका कारण ज्यान गएको दाबी गरेका छन् । शिविरमा बालकलाई डीपीटी, पोलियोे र पीसीबीको सुई लगाइएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाँकेमा गलत भ्याक्सिन लगाएका कारण शिशुको निधन भएको परिवारको दाबी

प्रतिकात्मक तस्बिर

तपाईको प्रतिक्रिया