सर्लाहीका चिनी मिलमा उखुको क्रसिङ थालियो

पुष ७, २०८० शनिबार १०:५३:२२ | उज्यालो सहकर्मी

काठमाण्डाै - सर्लाहीका चिनी मिल सञ्चालकले उखु क्रसिङ थालेका छन् । तीनवटा चिनी मिलमध्ये दुई वटाले उखुको क्रसिङ शुरु गरेका हुन् ।

हरिवन नगरपालिका–११ को इन्दुशङ्कर चिनी उद्योग र महालक्ष्मी चिनी उद्योग बगदहले यो सिजनको उखुको क्रसिङ सुरु गरेका छन् । अन्नपूर्ण चिनी मिल धनकौलले अझै उखु क्रसिङ शुरु गरेको छैन । गएको मङ्सिर २६ गतेदेखि नै उखु क्रसिङको तयारी भए पनि उखु उत्पादक किसानले आन्दोलन गरेपछि केही समय क्रसिङ रोकेको इन्दुशङ्कर उद्योगका योगनारायण रजकले बताउनुभयो ।

यस्तै, महालक्ष्मी चिनी उद्योग बगदहले पनि उखु क्रसिङ थालेको छ । सरकारले यस वर्षका लागि उखुको मूल्य प्रतिक्विन्टल ६ सय ३५ निर्धारण गरेको छ । यसमा ५ सय ६५ रुपैयाँ न्यूनतम खरिद मूल्य र ७० रुपैयाँ सरकारको अनुदान रकम हो । गएको वर्ष अनुदानबाहेक ५ सय ४० रुपैयाँ न्यूनतम खरिद कायम भएको थियो ।

सरकारले खरिद मूल्य प्रतिक्विन्टल २५ रुपैयाँ बढाएको भए पनि उखु उत्पादक किसान अझै सन्तुष्ट हुन सकेका छैनन् । नेपाल उखु उत्पादक किसान महासङ्घका अध्यक्ष कपिलमुनि मैनालीले किसानको असन्तुष्टि कायमै रहेको बताउनुभएको छ । उहाँले सरकार र उखु उद्योगीको मारमा किसान परेका बताउनुभयो ।

बढ्दो लागत, मल तथा नयाँ जातको अभाव, भुक्तानीमा ढिलासुस्तीलगायतका कारण किसानले खेती परिवर्तन गर्न थालेपछि उखुको उत्पादन घट्न थालेको छ । २०७४/७५ मा वार्षिक दुई करोड क्विन्टलभन्दा धेरै उखु उत्पादन हुने गरेकामा अहिले घटेर वार्षिक झण्डै डेढ करोड क्विन्टलमा झरेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सर्लाहीका चिनी मिलमा उखुको क्रसिङ थालियो

फाइल तस्बिर

तपाईको प्रतिक्रिया