रास्वपाले गरेको कारबाही असंवैधानिक भन्दै मुकुल ढकालद्वारा निर्वाचन आयोगमा निवेदन

साउन १३, २०८१ आइतबार १४:१:२८ | उज्यालो सहकर्मी

काठमाण्डाै – राष्ट्रिय स्वतन्त्र पार्टी (रास्वपा) ले गरेको कारबाही असंवैधानिक रहेको भन्दै डाक्टर मुकुल ढकालले निर्वाचन आयोगमा निवेदन दिनुभएको छ । आफूलाई महामन्त्रीबाट हटाउनेसहितका कारबाही गर्ने पार्टीको निर्णय नै अवैधानिक रहेको ढकालको दाबी छ ।

रास्वपाबाट विवरण अद्यावधिक गर्नका लागि कुनै पत्र आएमा त्यसलाई कार्यान्वयन नगर्नसमेत ढकालले आयाेगलाई आग्रह गर्नुभएको छ । पार्टीको अनुशासन विपरीतको काम गरेको भन्दै रास्वपाले मुकुल ढकाललाई साधारण सदस्यसमेत नरहने गरी कारबाही गरिसकेको छ । पार्टीले कारबाही गरेको विषयमा आफूलाई कुनै पत्र प्राप्त नभएको र सञ्चारमाध्यमबाट थाहा पाएको उहाँको दाबी छ ।

यस्तै पार्टीले आफूलाई सफाइ पेश गर्ने मौकासमेत नदिएर गरेको कारबाही पूर्वाग्रही र लोकतान्त्रिक मूल्य मान्यता विपरीत रहेको ढकालको दाबी छ । यस्तै रास्वपाको बैठक सञ्चालन कार्यविधिमा महामन्त्रीले बैठक सञ्चालन गर्ने उल्लेख रहेको र आफूले कुनै पनि केन्द्रीय समिति सदस्य वा पदाधिकारीलाई बैठक सञ्चालनको अनुमति नदिएकाले आफ्नो अनुमति वा उपस्थितिविना बसेर गरिएको कारबाही स्वतः गैरकानुनी रहेको पनि ढकालको जिकिर छ ।

सबै कानुनी र व्यावहारिक विषय हेर्दा आफूमाथि गरिएको कारबाही पूर्वाग्रही, विधि, विधान र प्रक्रिया विपरीत रहेकोले राष्ट्रिय स्वतन्त्र पार्टीबाट निर्णय अद्यावधिक गर्न आएमा त्यसलाई अद्यावधिक नगर्न मुकुल ढकालले निर्वाचन आयोगमा निवेदन दिनुभएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रास्वपाले गरेको कारबाही असंवैधानिक भन्दै मुकुल ढकालद्वारा निर्वाचन आयोगमा निवेदन

फाइल फाेटाे

तपाईको प्रतिक्रिया