आफै चढेको स्कुल बसले ठक्कर दिँदा भक्तपुरमा एकजना विद्यार्थीको ज्यान गयो

मंसिर २२, २०७५ शनिबार ५:५३:११ | उज्यालो सहकर्मी

भक्तपुर – स्कुल छुटेर घर फर्कँदै गरेकी एक विद्यार्थीलाई आफै सवार स्कुल बसले ठक्कर दिँदा मृत्यु भएको छ ।

भक्तपुर नगरपालिका कमलविनायकस्थित रोम्बस इंग्लिस स्कुलमा कक्षा १ मा अध्ययनरत चाँगुनारायण नगरपालिका –८, रानीबारी सुडालकी ७ वर्षीया प्रतिष्ठा खत्रीको उपचारको क्रममा शुक्रबार राति मृत्यु भएको महानगरीय प्रहरी परिसर भक्तपुरका प्रहरी नायव उपरीक्षक रेवतीरमण पोखरेलले जानकारी दिनुभयो ।

स्कुल छुटेर अपरान्ह ४ः३० बजे विद्यार्थी पुर्‍याउन गएको बा.१ क. ७२८५ नम्बरको त्यही स्कुलको बसमा सवार बालिका बसबाट झरेर बाटो काटेर जाने क्रममा ठक्कर दिएको थियो । आफै चढेको बसले ठक्कर दिएर घाइते भएकी विद्यार्थीको उपचारका लागि मध्यपुर अस्पताल लगेकोमा उपचारकै क्रममा मृत्यु भएको प्रहरीले जानकारी दिएको छ ।

प्रहरीले बसचालक भक्तपुर नगरपालिका –८, लिवाली बस्ने ३७ वर्षीय दिपक लाखेमरुलाई पक्राउ गरी महानगरीय प्रहरी वृत्त जगातीमा राखेर अनुसन्धान गरिरहेको पोखरेलले जानकारी दिनुभयो ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्