सरकारले शिक्षकलाई फेरि वार्तामा बाेलायाे

वैशाख १२, २०८२ शुक्रबार १४:१५:४९ | उज्यालो सहकर्मी

काठमाण्डाै – सरकारले आन्दोलनरत शिक्षकहरूलाई वार्तामा आउन फेरि आह्वान गरेको छ । शिक्षा, विज्ञान तथा प्रविधि मन्त्रालयले आन्दोलनरत शिक्षकहरूलाई वार्तामा आउन आह्वान गरेको हो ।

नवनियुक्त शिक्षामन्त्री रघुजी पन्तले शिक्षकहरूलाई वार्तामा बोलाउनुभएको हो । त्यस्तै शिक्षा सचिव दीपक काफ्लेले आज निकालेको विज्ञप्तिमा शिक्षकहरूलाई वार्तामा आउन अपिल गरिएको छ । शिक्षक तथा कर्मचारीहरूले विभिन्न माग राखेर काठमाण्डौमा गर्दै आएको निरन्तरको आन्दोलनप्रति मन्त्रालयको ध्यानाकर्षण भएको विज्ञप्तिमा उल्लेख छ ।

शिक्षकहरूले गएको चैत २० गतेदेखि निरन्तर आन्दोलन गर्दै आएका छन् । विद्यालय शिक्षा विधेयकलाई निर्दिष्ट समयमा पारित गर्ने वातावरण बनाउन र शिक्षकहरूको हकहित प्रवर्द्धन गरी उपयुक्त निकास निकाल्न प्रयत्नशील रहेको शिक्षा मन्त्रालयले जनाएको छ ।

विधेयक संसदमा पेस हुने, छलफल हुने र स्वीकृत हुने निश्चित प्रक्रिया र कानूनी व्यवस्था रहेको मन्त्रालयले उल्लेख गरेको छ । संवाद तथा छलफलबाट समस्या समाधानका उपाय खोज्न मन्त्रालयले वार्ताका लागि नेपाल शिक्षक महासङ्घलाई अनुरोध गरेको हो ।

शिक्षकहरूको आन्दोलन चलिरहेका बेला शिक्षामन्त्री विद्या भट्टराईले पदबाट राजीनामा दिनुभएको थियो । लगत्तै रघुजी पन्त शिक्षामन्त्रीमा नियुक्त हुनुभएको छ ।

अन्तिम अपडेट: बैशाख १२, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सरकारले शिक्षकलाई फेरि वार्तामा बाेलायाे

फाइल तस्वीर

तपाईको प्रतिक्रिया