'स्टारलिङ्क' को इन्टरनेट सेवा शुरु गर्न एलन मस्क इन्डोनेसियाको ...
जेठ ६, २०८१ आइतबार
रुकुम पश्चिम – घरमै सुतिरहेका बेला बाँफिकोट गाउँपालिका अध्यक्ष धर्मबहादुर केसीमाथि ढुङ्गा प्रहार हुँदा घाइते हुनुभएको छ । मंगलबार राति साढे ८ बजे अध्यक्ष केसीमाथि केही युवाहरुले आक्रमण गरेका हुन् ।
गाउँपालिकाको वडा नम्बर ४ मा सुतिरहेका गाउँपालिका अध्यक्षमाथि विवाहबाट फर्किरहेका युवाले ढुङ्गा प्रहार गरी आक्रमण गरेको प्रहरीले जनाएको छ । कुटपिटपछि अध्यक्ष केसीको टाउकोमा ३ वटा टाँका लगाइएको छ भने अनुहारमा पनि चोट लागेको छ । घटनापश्चात् बाँफिकोट स्वास्थ्य चौकीमा राति नै उपचार गराएर अध्यक्ष केसी घर फर्किनु भएको थियो ।
मदिरा सेवन गरेका युवाहरुले अध्यक्ष केसीको घरबाहिर राखिएका भाँडाकुँडा तोडफोड गरेका थिए । सुतिरहेका अध्यक्षले घर बाहिरै आएर त्यसो नगर्न आग्रह गर्दा उनीमाथि आक्रमण भएको प्रारम्भिक अनुसन्धानबाट खुलेको जिल्ला प्रहरी कार्यालयका प्रमुख प्रहरी नायव उपरीक्षक सुमित खड्काले बताउनुभयो ।
घटनामा संलग्न ७ जनालाई नियन्त्रणमा लिइएको डीएसपी खड्काले जनाउनुभयो । राति १ बजे ५ र बिहान २ जनालाई नियन्त्रणमा लिइएको डीएसपी खड्काले उल्लेख गर्नुभयो । इलाका प्रहरी कार्यालय बाँफिकोटको निन्त्रणमा रहेका उनीहरुलाई जिल्ला ल्याइँदै गरेको बताइएको छ । अत्याधिक मदिरा सेवन गरेका युवाहरुले घरमै बसेका अध्यक्षमाथि बिना कारण कुटपिट गरेको प्रहरीले बताएको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।