सुकेटार विमानस्थलको स्तराेन्नति गरिने

असार २१, २०७६ शनिबार १४:३९:१७ | केशवप्रसाद भट्टराई

ताप्लेजुङ - ताप्लेजुङ जिल्लाको एक मात्र सुकेटार विमानस्थलको स्तराेन्नति गरिने भएको छ ।

ताप्लेजुङ जिल्ला पर्यटकीय भूमि भए पनि सुकेटार विमानस्थलमा १२ महिनामा ६ महिना मात्र जहाज सञ्चालन हुँदा पर्यटकको आगमनमा शिथिलता आएको छ । झण्डै १६ करोड रुपैयाँ खर्च गरेर सुकेटार विमानस्थलको स्तराेन्नति तथा नयाँ संरचना थप गरिने भएको हो ।

चार वर्ष अगाडि कालोपत्रे गरिएको विमानस्थलको स्तराेन्नति तथा विमानस्थल क्षेत्रमा यात्रु प्रतिक्षालयसहितका नयाँ संरचना थप गर्न लागिएको हो । नेपाल नागरिक उड्डयन प्राधिकरण, इन्जिनियरिङ विभागले रकम खर्च गरेर विमानस्थलको स्तराेन्नति गरिने भएकाे बताइएको छ ।

प्रतिनिधिसभाका सांसद योगेशकुमार भट्टराईले निर्वाचन अगाडि जारी गरेको घोषणा–पत्रमा सुकेटार विमानस्थलको स्तरोन्नति सहितका कार्यक्रम समावेश गर्नु भएको थियो । सांसद भट्टराईका स्वकीय सचिव प्रेम गुरागाईँले अहिले कायम रहेको संरचनामा व्यापक थप गर्ने तथा धावनमार्ग वृद्धि र त्यसको स्तराेन्नति पनि गर्ने योजना रहेको बताउनुभयो ।

थपिने संरचनाभित्र यात्रु प्रतिक्षालयदेखि सुरक्षा जाँचका लागि व्यवस्थित कक्षको निर्माण पनि गरिनेछ ।
विमानस्थलको हाल भएको धावन मार्गको लम्बाइ ७ सय मिटरबाट बढाएर ९ सय मिटर बनाउने गरी गरेकाे सर्वेक्षणकाे नतिजा आएर बोलपत्र आह्वान समेत गरिसकिएको छ ।

२०२८ सालमा स्थानीयको पहलमा निर्माण ४४ वर्षपछि आर्थिक वर्ष २०७०-७१ मा ७ सय मिटर लम्बाइ र २० मिटर चौडाइ भएको सुकेटार विमानस्थल कालोपत्रे गरिएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्