उपचुनाव हुने पालिकाहरुमा १६ गते सार्वजनिक बिदा दिन आयोगको ...
मंसिर १०, २०८१ सोमबार
ताप्लेजुङका ३० गाउँ पहिरोको उच्च जोखिममा
ताप्लेजुङ – ताप्लेजुङका ६१ वडामध्ये ३० वटा वडा पहिरोको उच्च जोखिममा रहेका छन् । जिल्ला विपद् व्यवस्थापन समिति तथा नेपाल रेडक्रस सोसाइटीले विगतका २५ वर्षलाई मध्यनजर गर्दै ३० गाउँहरु पहिरोको उच्च जोखिममा रहेको देखाएको छ ।
सिरिजंघा गाउँपालिकाको याम्फुदिन, मामाखे, पेदाङ र सिनाम गाउँ उच्च जोखिममा रहेको विपद् व्यवस्थापन समितिका संयोजकसमेत रहनु भएका प्रमुख जिल्ला अधिकारी अनुज भण्डारीले बताउनुभयो ।
त्यस्तै फक्ताङलुङ गाउँपालिकाको लिङखिम, तापेथोक, साँवादिन, लेलेप र ओलाङचुङगोलाका गाउँ पहिरोको उच्च जोखिममा रहेका छन् । सिदिङ्वा गाउँपालिकाको सादेवा, सुरुम्खिम, कालिखोला र आँङ्खोपका गाउँ पनि पहिरोको उच्च जोखिममा रहेका छन् ।
पाथिभरा याङवरक गाउँपालिकाका नाङखोल्याङ, थुम्बेदिन र चाक्सिबोटे गाउँ तथा मिक्वाखोला गाउँपालिकाको खोक्लिङ र सावदिन साथै मेरिङदेन गाउँपालिकाको थुकिमा, सान्थाक्रा, थिङलाबु र खाम्लुङ गाउँ पनि पहिरोको उच्च जोखिममा रहेका छन् ।
यता मैवाखोला गाउँपालिकाको ५ वटा वडा मध्ये कुनै पनि पहिरोको जोखिममा नरहेको जिल्ला विपद् व्यस्थापन समितिले निर्णय गरेको छ ।
सदरमुकाम फुङलिङ नगपालिकाका ११ वडा मध्ये ६ वटा वडा पहिरोको उच्च जोखिममा रहेको प्रमुख जिल्ला अधिकारी भण्डारीले बताउनुभयो । उच्च जोखिममा रहेका वडाहरु १, ६, ७, ८ र १० हुन् ।
यी गाउँहरु कुनै बेला पनि वर्षाको समयमा बाढीपहिरो आउने भएकाले सबैलाई सतर्क हुन प्रमुख जिल्ला अधिकारी तथा जिल्ला विपद् व्यवस्थापन समितिका अध्यक्ष अनुज भण्डारीले बताउनुभयो ।
ताप्लेजुङ सदरमुकाम छेउमा रहेको हाङदेवाको हिरेवा, चिनेवा पहिरोले ठूलो रुप लिएमा सदरमुकाम नै खतरामा पर्ने देखिन्छ ।
त्यसैगरी नाङखोल्याङ, लिङखिम-थिवा, फुरुम्बु, सिनाम, आँङ्खोप, निघुरादिन, फुलबारी, याम्फुदिन, तापेथोक, थुम्बेदिनलाई नियमित रुपमा बगिरहने ठूला पहिरोको रुपमा लिने गरेको नेपाल रेडक्रस सोसाइटी ताप्लेजुङले जनाएको छ ।
विगतलाई हेर्ने हो २०७३ सालमा दोखुमा पहिरो जाँदा ४ जनाको ज्यान गएको थियो । साथै सयौं घर परिवारहरुको उठिबास भएको थियो ।
२०७२ सालमा जिल्लाका तत्कालिन गाविसहरु खोक्लिङ, लिबाङ, लिङलेप, सान्थाक्रा साथै विभिन्न भागमा गएको पहिरोका कारण ५९ जनाको मृत्यु भएको थियो । पहिरोबाट ठूलो क्षति भएको थियो ।
दुई वर्षमा भएको क्षति त उदाहण मात्र हुन् । २०५९ सालामा लिङखिम, हाङदेवामा गएको पहिरोमा परी ११ जनाले ज्यान गुमाएका थिए । त्याे पहिरोबाट विस्थापित भएर जिल्ला सदरमुकाममा आउनुभएका तेजबहादुर भट्टराई पहिरोको स्मरण गर्दै भन्नुहुन्छ, 'रातको समयमा थोरैले मात्र मेरो परिवार बचेको थियो ।'
ताप्लेजुङमा २० वर्षको अवधिमा १ सय ५० जना मानिसले ज्यान गुमाएको नेपाल रेडक्रस सोसाइटी जिल्ला शाखाका सभापति ईन्द्रबहादुर गुरुङले बताउनुभयो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
केशवप्रसाद भट्टराई
केशवप्रसाद भट्टराई ताप्लेजुङका उज्यालो सहकर्मी हुनुहुन्छ । 
1 Comments
समाचार
-
-
नारायणगढ–मुग्लिन सडक खण्डमा ट्रक पल्टिँदा दुई जनाको ज्यान गयो
मंसिर १०, २०८१ सोमबार
-
ग्लोबल आईएमई बैंकका ग्राहकलाई समाज डेन्टल अस्पतालमा विशेष छुट
मंसिर ९, २०८१ आइतबार
-
ब्राजिलका पूर्वराष्ट्रपति बोल्सोनारो र अन्य ३६ जनाविरुद्ध अभियोग...
मंसिर ९, २०८१ आइतबार
-
मृत्युपछि अङ्गदान गर्ने दाताका परिवारलाई २ लाख रुपैयाँ दिने ...
मंसिर ९, २०८१ आइतबार
-
एमालेले काठमाण्डौ महानगरको जरीवाना पत्र बुझ्न मानेन, मेयर शा...
मंसिर ९, २०८१ आइतबार
-
कांग्रेसकाे केन्द्रीय कोषाध्यक्षमा उमेश श्रेष्ठ मनोनीत
मंसिर ९, २०८१ आइतबार
-
अस्ट्रेलियाका लागि नेपाली राजदूतमा चित्रलेखा यादव नियुक्त
मंसिर ९, २०८१ आइतबार
-
उपचुनावमा सेना परिचालन गर्न राष्ट्रपतिकाे स्वीकृति
मंसिर ९, २०८१ आइतबार
-
दुर्गा प्रसाईंलाई अदालतमा उपस्थित गराउन सर्वोच्चको आदेश
मंसिर ९, २०८१ आइतबार
-
निराशाजनक 'कोप–२९' मा नेपालका लागि केही आशा
मंसिर ९, २०८१ आइतबार
-
श्रेयस अय्यरकाे रेकर्ड ताेडियाे, लखनउले ऋषभ पन्तलाई २७ कराेड ...
मंसिर ९, २०८१ आइतबार
-
आईपीएल इतिहासकै महँगा खेलाडी बने श्रेयस अय्यर, २६ कराेड ७५ ...
मंसिर ९, २०८१ आइतबार
-
भारतले अस्ट्रेलियालाई दियाे ५ सय ३४ रनकाे लक्ष्य, टेस्ट क्रिकेट...
मंसिर ९, २०८१ आइतबार
विचार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Shankar Karki
July 10, 2019, 8:34 a.m.यो हामी नेपालीको विडम्बना हो, भएका जंगल जति सबै फँडानी गर्ने अनि रुखलाई काठ बनाउंदै व्यापार गर्ने र अहिले पहिरोले घर बगाउने भयो भन्दै टाउकोमा हात राखेर रुने ...कति मूर्खतापूर्ण काम ! हो, पहिरोवाट बच्नु छ भने रुख रोपौं , रुखले माटो समाउँछ अनि पहिरो जाँदैन/ कर्म गरेपछि फलको इच्छा नगरेपनि वाहियात कर्मको फल त भोग्नैपर्छ , अब भोग त्यसको फल / यदि अझै विवेक छ भने हे नेपाली नागरिक हो , हामीले पहाड र तराइमा बनजंगल बढाउनुपर्छ , त्यसोभए मात्र रुखले पहिरोवाट जोगाउँछ / जहाँ पहिरोको जोखिम छ, त्यहाँ जरा तल सम्म पुग्ने रुख रोप्ने/ अनि जहाँ खेती गर्न सकिन्छ, त्यहाँ फलफूलको रुख रोप्ने कसले गर्दा आम्दानी पनि हुन्छ अनि पहिरोवाट पनि बचिन्छ / तराइमा सबै फलफूल, पिपल र वरको रुख रोप्ने , नदीको किनार देखि ३०० मिटर परसम्म, अनि बाढीले कसैको घर जग्गा लाने छैन / आँखा खोल नेपाली हो, आँखा खोल !!