कमला नदीमा फसेका १८ जनामध्ये ९ जनाकाे उद्धार

असार २८, २०७६ शनिबार १७:५४:४४ | शैलेन्द्र महतो

काठमाण्डौ – सशस्त्र प्रहरीकाे टाेलीले धनुषाकाे कमला नदीमा फसेका नौ जनाको उद्धार गरेको छ ।

सशस्त्र प्रहरीको बाहिनीबाट परिचालित क्षेत्रीय विपद् व्यवस्थापन टोलीले शनिबार धनुषाको शहीद नगरपालिका बत्राइमा फसेका ९ जनालाई उद्धार गरेको हो ।

टोलीले शहीद नगरपालिका बत्राइको कमला नदीको बगरमा झुपडी घरमा फसेका ५ जना र कमलामाई नगरपालिका-७ को हसमुढा सखलामा रहेको कमला नदी बीचमा फसेका ४ जना गरी ९ जनालाई उद्धार गरी सुरक्षित स्थानमा पुर्‍याएको हाे ।

९ कामदार फसे

धनुषाको सघारा र सिरहाको बस्तीकट्टा गाउँपालिकाको बीच कमला नदीमा निर्माणाधीन हुलाकी सडकको पुल बनाउन खटिएका इन्जिनियरसहित ९ जना बाढीमा फसेका छन् । बिहीबार साँझ पुल निर्माणका लागि पुगेका इञ्जिनियर जमुना यादवसहित ९ कामदार बाढीका कारण बीचमा फसेका हुन् ।

उनीहरुले फोन गर्दै आफ्नो उद्धार गरिदिन प्रशासनसँग हारगुहार गरेका छन् । आफूसहित दुई जना चौकीदार, स्काभेटर चालकसमेत बाढीमा फसेको सुपरभाइजर इन्द्र पटेलले बताउनुभयो ।

लगातार वर्षाका कारण जनकपुरधाम उपमहानगरपालिकासहित धनुषा जिल्लाको विभिन्न स्थानहरु डुबानमा परेका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्