सात दिनदेखि बन्द रहेको मेची राजमार्ग एकतर्फी खुल्यो

साउन ८, २०७६ बुधबार १८:४९:१६ | उपेन्द्र येक्तेन

पाँचथर – गएको बुधबारदेखि बन्द रहेको मेची राजमार्ग एकतर्फी खुलेको छ ।

मेची राजमार्गअन्तर्गत राँके-फिदिम सडक खण्डको फाल्गुनन्द गाउँपालिका-३ को पाँग्रेभिरमा गएको पहिरो पन्छ्याएपछि वुधबारबाट राजमार्ग एकतर्फी खुलेको हो ।

वर्षासँगै पहिरो जाने क्रम नरोकिएपछि मेची राजमार्ग ७ दिनसम्म अवरुद्ध भएको थियो । पहिरोले राजमार्ग अवरुद्ध हुँदा ताप्लेजुङ, पाँचथर र तेह्रथुमको आठराई क्षेत्रबाट अन्यत्र छुटेका र यसतर्फ आउँदै गरेका सवारी साधनहरु बीच बाटोमै रोकिएका थिए ।

सवारी साधन बीच बाटोमै रोकिँदा यात्रुहरुलाई समस्या भएको थियो भने पाँचथरका विभिन्न ठाउँबाट झापातर्फ लैजान लागिएको २७ लाख ८८ हजार रुपैयाँ मूल्य बराबरको टमाटर आधाभन्दा धेरै खेर गएको थियो ।

यो राजमार्गबाट पाँचथरको सदुरमकाम फिदिम हुँदै ताप्लेजुङ र तेह्रथुमको आठराई क्षेत्रमा सवारी सञ्चालन हुने गर्दछ । अहिले पनि वर्षा नरोकिएकाले पाँग्रेभिरमा पहिरोको जोखिम रहेको जिल्ला प्रहरी कार्यालय पाँचथरले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्