इवा खोलाबाट उत्पादित ९ दशमलव ९ मेगावाट विद्युत् केन्द्रीय लाइनमा जोड्ने तयारी

साउन २४, २०७६ शुक्रबार १९:२७:१२ | उपेन्द्र येक्तेन

पाँचथर–याङवरक गाउँपालिकाको इवा खोलाबाट उत्पादित ९ दशमलव ९ मेगावाट क्षमताको विद्युत् केन्द्रीय प्रसारण लाइनमा जोड्न तयारी थालिएको छ ।

जल विद्युत् आयोजनाको काम सम्पन्न भएसँगै इवा खोलाबाट उत्पादन हुने विद्युत् काबेली कोरिडोर मार्फत केन्द्रीय प्रसारण लाइनमा जोड्ने तयारी भैरहेको हो ।

अब केही दिनमै परीक्षण प्रसारण गरिने र त्यसपछि केन्द्रीय लाइनमा जोडिने आयोजना प्रमुख कुवेरमणि नेपालले बताउनुभयो । यसअघि आन्तरिक परीक्षण सकिएको उहाँले जानकारी दिनुभयो ।

इवा खोलाबाट उत्पादित विद्युत् ३३ केभीए प्रसारण लाइनबाट काबेली बी–१ आयोजना नजिकै निर्माण गरिएको पुलिङ हाउस भएको ठाँउबाट १ सय ३२ केभीएमा रुपान्तरण गरिने बताइएको छ ।

दुई ओटा जलविद्युत् आयोजनाको विद्युत् एकै ठाँउ बनाएर केन्द्रीय लाइनमा जोड्न लागिएको यो पहिलो अभ्यास रहेको प्रमुख नेपालले बताउनुभयो । पुलिङ हाउस भएको ठाँउबाट विद्युत् प्राधिकरणको अमरपुर सव–स्टेसनसम्मको प्रसारण लाइनबाट केन्द्रीय प्रसारण लाइनमा जोडिनेछ ।

१ अर्ब ८५ करोड रुपैयाँको लागतमा २०७३ मंसिरदेखि सुरु भएको आयोजना सम्झौता अनुसार २०७५ जेठसम्म सम्पन्न गर्नुपर्ने थियो तर आयोजनाको काम एक वर्ष ढिलो सकिएको हो ।

लेकाली क्षेत्रबाट बग्ने खोला भएकाले सुक्खायाममा पनि पानी नघट्ने हुनाले यो आयोजनाबाट बाह्रै महिना एकनासले विद्युत् उत्पादन हुने आयोजना प्रमुख नेपालले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्