चिकित्सक संघकाे बन्द प्रभावः औषधि लेख्ने डाक्टर छैनन्, बिरामी अलपत्रमा

साउन ३, २०७५ बिहीबार १४:५६:२२ | उज्यालो सहकर्मी

भक्तपुर श्रावण ३ – डा गोविन्द केसीको सर्मथनमा डाक्टरहरुले गरेको देशभरका सरकारी तथा निजी अस्पताल बन्दका कारण बिरामीहरु मारमा परेका छन् ।
चिकित्सा शिक्षा सुधारको माग गर्दै डाक्टर गोविन्द केसी २० दिनदेखि जुम्लामा अनसनमा हुनुहुन्छ ।

केसीको जीवन रक्षा र माग पूरा गर्न दबाब दिन भन्दै नेपाल चिकित्सक संघले बिहीबार देशभरका सरकारी तथा निजी अस्पताल, नर्सिङ होम तथा क्लिनिकमा आकस्मिकबाहेकका स्वास्थ्य सेवा बन्द गरेका छन् ।

यसैक्रममा बिहीबार भक्तपुरको भक्तपुर अस्पतालमा पनि आकस्मिक बाहेक सबै स्वाथ्य सेवा बन्द गरेर डाक्टरहरु आन्दोलनमा उत्रिएका छन् ।

भक्तपुर अस्पतालमा आएका बिरामीहरु मध्येका एक राम नरेश शाह बारादेखि खुट्टा उपचार गराउन ४ दिन अगाडि आउनुभएको थियो ।

उहाँको सबै रिपोर्ट आयो तर औषधि लेख्ने डाक्टर नभएका कारण उहाँ घर फर्कने टिकट फिर्ता गर्नु पर्ने अवस्थामा पुग्नु भएको छ ।

अर्का बिरामी राशिका मर्हजन भिडियो एक्स–रे का लागि बिहीबार ७ बजे नै आउनुभयो । तर आउँदा अस्पतालमा डाक्टर नभएको उहाँको गुनासो छ ।

त्यसैगरी अर्का बिरामी जयराम अवाल हातमा समस्या भएर दैनिक थेरापी गर्नु पर्ने हुनाले बिहिबार १० बजे नै अस्पताल आइपुग्नुभयो । तर उहाँले पनि अस्पतालमा डाक्टर भेट्न सक्नुभएन ।

डाक्टर नभएका कारण बुधबारकै लागि भिडियो एक्स–रे को टिकट लिएका अर्का बिरामी बिहिबार अस्पताल आउँदा पनि भिडियो एक्स–रे हुन सकेन ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्