बेनी–जोमसोम सडक रातको समयमा बन्द हुने

साउन ४, २०७५ शुक्रबार १२:५४:५५ | उज्यालो सहकर्मी

म्याग्दी – हिमालपारीको जिल्ला मुस्ताङलाई जोड्ने बेनी–जोमसोम–कोरला राजमार्ग अन्तर्गत गलेश्वर–घाँसा सडकखण्ड रातको समयमा बन्द हुने भएको छ । विहीबार म्याग्दीका प्रमुख जिल्ला अधिकारी लीलाधर अधिकारीको अध्यक्षतामा बसेको जिल्ला सुरक्षा समितिको बैठकले रातको समयमा सडक बन्द गर्ने निर्णय गरेको हो ।

वर्षाका कारण बेनी–जोमसोम सडकको विभिन्न स्थानमा सडक माथिबाट पहिरो खस्ने, सडक भासिँदा हुने सम्भावित दुर्घटनाबाट मानवीय तथा भौतिक क्षतिलाई मध्यनजर गरी अत्यावश्यक सवारीसाधनबाहेक अन्य सवारीलाई रातको समयमा दुईतर्फी रुपमा सवारी आवागमन बन्द गरिएको जिल्ला प्रहरी कार्यालय म्याग्दीले जनाएको छ ।

प्रहरीले दिएको जानकारी अनुसार यही साउन ५ गतेदेखि लागू हुनेगरी आउँदो ३१ गतेसम्म रातीको समयमा सडक बन्द गरिनेछ । बेनीदेखि गलेश्वर हुँदै जोमसोमतर्फ जाने सवारीलाई साँझ साढे ५ बजेदेखि बिहान ५ बजेसम्म र जोमसोमबाट घाँसा भएर बेनी आउने सवारीलाई साँझ ६ बजेदेखि बिहान ५ बजेसम्म पूर्णरुपमा सवारी आवागमन बन्द गर्ने निर्णय गरिएको म्याग्दीका प्रहरी नायव उपरीक्षक विरबहादुर बुढामगरले बताउनुभयो ।

अहिले बेनी–जोमसोम–कोरला सडकखण्डको विभिन्न ठाउँमा सडक विस्तारको काम भैरहेको छ ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्