५०० वर्ष पुराना लिपि संरक्षण गर्दै स्थानीय

पुष ३, २०७६ बिहीबार १८:३१:१६ | शिव ढुंगाना

ओखलढुंगा - खिजीदेम्वा गाउँपालिकाले ५ सय वर्ष पुराना मानेका ऐतिहासिक लिपि संरक्षण गर्न सहयोग गरेको छ ।

शेर्पा भाषामा लेखिएका त्यस्ता ऐतिहासिक मानेका लिपि पुरातात्विक बस्तु भएकाले वन समूहको अगुवाइमा संरक्षण सुरु गरिएको हो ।

गाउँपालिका अध्यक्ष वेदबहादुर रोकाका अनुसार सामुदायिक वन समूहलाई आर्थिक सहयोग गरेर लिपिका ज्ञाताहरुबाट ढुंगाका लिपिमा रंग लगाइएको छ । यसले पढ्न सजिलो हुने र नमेटिने रोकाले बताउनुभयो ।

मितेरी सामुदायिक वन उपभोक्ता समूह खिजिदेम्वा– ९ दोराखर्कमा आबद्ध स्थानीयले गाउँपालिकाको सहयोगमा लिपि संरक्षण थालेका हुन् । पुराना ठूला–ठूला ढुंगाहरु र अग्ला पहराहरुमा कुदिएका दर्जन बढी मानेमध्ये ५ वटा मानेमा कुदिएका लिपि संरक्षणका लागि रंगरोगन गर्न गाउँपालिकाले सहयोग गरेको छ ।

गाउँपालिकाले ५० हजार रकम सहयोग गरेको छ भने वन समूहले ८१ हजार सहयोग गरेको छ ।

त्यस्ता लिपि पुराना संस्कृति परम्पराको इतिहास भएकाले संरक्षण गर्नु सबैको दायित्व भएको समाजसेवी पेम्बा शेर्पाले बताउनुभयो । उहाँले वन समूहले ऐतिहासिक काम गरेको र आगामी दिनमा यस्ता सम्पदा संरक्षण गर्न स्थानीय सरकार नै अग्रसर हुनु पर्ने सुझाव दिनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

५०० वर्ष पुराना लिपि संरक्षण गर्दै स्थानीय

खिजीदेम्वा–९ दोराखर्कमा रहेको ५ सय वर्ष पुरानो शेर्पा भाषाको लिपि रंगरोगनपछि तस्बिर : शिव ढुंगाना/उज्यालो ।

तपाईको प्रतिक्रिया