ग्लोबल आईएमई बैंकका ग्राहकलाई समाज डेन्टल अस्पतालमा विशेष छुट
मंसिर ९, २०८१ आइतबार
मृत्यु संस्कारमा परिर्वतन आवश्यक : मन्त्री पोखरेल
ओखलढुंगा - शिक्षा, विज्ञान तथा प्रविधि मन्त्री गिरिराजमणि पोखरेलले विद्यामान मृत्यु संस्कार रुपान्तरण आवश्यक भएको बताउनुभएको छ ।
नेपाल कम्युनिष्ट पार्टी (नेकपा) का आमन्त्रित स्थायी समिति सदस्य पेशल खतिवडाका बुवा मनोरथ खतिवडाको दशौँ पुण्य तिथिमा आयोजित श्रद्धाञ्जली सभामा उहाँले मृत्यु संस्कारमा परिवर्तन आवश्यक रहेको बताउनुभएको हो ।
हाम्रा संस्कृतिले हाम्रो जीवनलाई सहज बनाउनु पर्नेमा जटिल बनाएकाले रुपान्तरण जरुरी रहेको उहाँको भनाइ छ । मन्त्री पोखरेलले संस्कृति सरल बनाउन सरल तरिकाले अवलम्बन गरे पुग्ने भन्दै जटिल र पीडामा परेका मान्छेलाई थप पीडा हुने किसिमका मृत्यु संस्कार रुपान्तरण आवश्यक रहेकोमा जोड दिनुभयो । उहाँले भन्नुभयो, ‘संस्कृति हाम्रो जीवन हो भने जीवनलाई सरल बनाउन वैज्ञानिक तरिकाले अपनाउन सक्नुपर्छ ।’
मन्त्री पोखरेलले खतिवडाको थालनीले परम्परा ठिक कि रुपान्तरण भन्ने बहस सुरु भएको बताउनुभयो । यस्तो बहस थालनी गरेर सांस्कृतिक रुपान्तरणको अभियन्ता बनेकामा खतिवडालाई धन्यवादसमेत दिनुभयो ।
हिन्दू ब्राह्मणको मृत्यु संस्कारमा १३ दिनसम्म कुरीमा बसेर आफै पकाएर खानु पर्ने, अन्य जातसँग दोहोरो बोल्न नहुनेजस्ता परम्परा छन् । यस्ता परम्परा रुपान्तरण आवश्यक भएको नेकपाका जिल्ला इञ्चार्ज तथा सांसद यज्ञराज सुनुवारले बताउनुभयो । खतिवडा सांस्कृतिक रुपान्तरणको अभियन्ता भएको सुनुवारको भनाइ छ ।
श्रद्धाञ्जली सभामा नेकपाका केन्द्रीय सदस्यहरु निर्मल बराल, प्रकाश पोखरेल, हरिनारायण चौधरी र दुर्गाजयन्ती राई सहभागी थिए । राई खतिवडाकी जेठी बुहारी पनि हुनुहुन्छ । राईले समाज रुपान्तरण संस्कृति रुपान्तरबाट मात्र सम्भव भएकाले काजकिरिया गर्ने परम्परा फेरेर सरल विधि अपनाएको बताउनुभयो ।
संस्कार रुपान्तरणका लागि काजकिरियामा कुरीमा नबसेका पेशल खतिवडाको परिवारले स्व. मनोरथ खतिवडाले स्थापना गरेको जीवनप्रदिप मावि हर्कपुरबाट प्रत्येक वर्ष उहाँको स्मृतिमा एसईईमा सर्बोत्कृष्ट, दलित र महिला गरी तीन जनालाई तीन हजारका दरले पुरस्कार दिने घोषणा गरेको छ । त्यस्तै मृत्यु संस्कार रुपान्तरण गरेर सरल बनाउन अभियान थाल्ने अन्य जो कोही व्यक्तिलाई पाँच हजार पुरस्कारको पनि घोषणा गरेको छ ।
नेकपाको स्थायी कमिटी सदस्य खतिवडा बाबुको काजकिरिया गर्न कपाल काटेर कुरीमा बस्नुभएन । उहाँ मंसिर २९ गते बाबुको निधन भएपछि दाहसंस्कारमा सहभागी हुनुभयो । घर फर्केर बाबुको फोटोमा फूल चढाउनुभयो, धुप बालेर श्रद्धाञ्जली अर्पण गर्नुभयो । दशौं दिन सभा आयोजना गरेर पार्टीका नेताहरु सहभागी गराउनुभयो । शोक पुस्तिकामा श्रद्धाञ्जली लेखेर, फूल चढाएर धेरैले नेता खतिवडाका स्वर्गीय बाबु मनोरथ खतिवडालाई सम्झिए ।
उहाँका दुई जना भाइहरु समाजको आग्रहमा परम्परागत रुपमा काजकिरियामा बस्नुभएको छ । नरेन्द्र नेकपाको मोलुङ गाउँपालिका कमिटीका इञ्चाज हुनुहुन्छ भने सुरेन्द्र शिक्षक ।
परम्परागत काजकिरियामा बसेका नरेन्द्रले दाजुले संस्कार परिर्वतनको कुरा छलफल गर्नु भए पनि परिवारका सदस्य, तथा समाजका अन्य व्यक्तिहरुले परम्परा तोड्न नहुने भनेपछि आफूहरुले सल्लाहमै फरक–फरक तरिकाले कामकाज गरेको जानकारी दिनुभयो ।
संस्कार परिर्वतन गर्न कठिन भए पनि खतिवडाले ऐतिहासिक कदम उठाएको स्थानीय बुद्धिजीवी कुलप्रसाद खतिवडाले बताउनुभयो । समाजमा अहिले परम्परा ठिक कि परिवर्तन भन्ने विषयमा बहस सुरु भएकाले आगामी दिनमा परम्परामा बिस्तारै सुधार आउने उहाँको विश्वास छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
शिव ढुंगाना
शिव ढुंगाना ओखलढुंगाका उज्यालो सहकर्मी हुनुहुन्छ । 
1 Comments
समाचार
-
-
ब्राजिलका पूर्वराष्ट्रपति बोल्सोनारो र अन्य ३६ जनाविरुद्ध अभियोग...
मंसिर ९, २०८१ आइतबार
-
मृत्युपछि अङ्गदान गर्ने दाताका परिवारलाई २ लाख रुपैयाँ दिने ...
मंसिर ९, २०८१ आइतबार
-
एमालेले काठमाण्डौ महानगरको जरीवाना पत्र बुझ्न मानेन, मेयर शा...
मंसिर ९, २०८१ आइतबार
-
कांग्रेसकाे केन्द्रीय कोषाध्यक्षमा उमेश श्रेष्ठ मनोनीत
मंसिर ९, २०८१ आइतबार
-
अस्ट्रेलियाका लागि नेपाली राजदूतमा चित्रलेखा यादव नियुक्त
मंसिर ९, २०८१ आइतबार
-
उपचुनावमा सेना परिचालन गर्न राष्ट्रपतिकाे स्वीकृति
मंसिर ९, २०८१ आइतबार
-
दुर्गा प्रसाईंलाई अदालतमा उपस्थित गराउन सर्वोच्चको आदेश
मंसिर ९, २०८१ आइतबार
-
निराशाजनक 'कोप–२९' मा नेपालका लागि केही आशा
मंसिर ९, २०८१ आइतबार
-
श्रेयस अय्यरकाे रेकर्ड ताेडियाे, लखनउले ऋषभ पन्तलाई २७ कराेड ...
मंसिर ९, २०८१ आइतबार
-
आईपीएल इतिहासकै महँगा खेलाडी बने श्रेयस अय्यर, २६ कराेड ७५ ...
मंसिर ९, २०८१ आइतबार
-
भारतले अस्ट्रेलियालाई दियाे ५ सय ३४ रनकाे लक्ष्य, टेस्ट क्रिकेट...
मंसिर ९, २०८१ आइतबार
-
शेयर बजार १३ अङ्कले घट्यो, कारोबार रकममा पनि कमी
मंसिर ९, २०८१ आइतबार
-
रवि लामिछानेलाई थप १५ दिन हिरासतमा राख्न अदालतकाे अनुमति
मंसिर ९, २०८१ आइतबार
विचार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
लक्ष्मण पान्डे
Dec. 23, 2019, 12:15 p.m.कमाउनिस्टहरुलाई धर्म र संस्कार जटिल नै लाग्छ । अचम्म छैन । तर इशाईको पैसामा बिकेका दुई चार कमाउनिस्ट कराएर धर्म संस्कार परिवर्तन हुँदैन । बाउआमाको मृत्यु हुँदा १३ दिन पनि छुट्याउन नसक्ने कमाउनिस्ट र कुन्नी के सुनार भनौदो इशाईको खेतालाहरुले धर्म संस्कार सक्याउन निकै अभ्यास गर्दै छन् । हैन त ?