गाउँलेको कुटाईबाट दुई झाँक्रीको मृत्यु

साउन ५, २०७५ आइतबार ५:३६:६ | उज्यालो सहकर्मी

धादिङ - आफूहरुलाई दुःख दिएको भन्दै गाउँलेहरुले कुटपिट गर्दा उत्तरी धादिङको गंगाजमुना गाउँपालिका वडा नं. २ लताबमा दुईजना झाँक्रीको ज्यान गएको छ ।

शनिबार दिउँसो गाउँलेले कुट्दा ६० वर्षीय साईंला तामाङ र नरुङ तामाङको ज्यान गएको प्रहरीले जनाएको छ ।

घटना हुनेबित्तिकै गाउँलेहरुले नै लास जलाइसकेको भन्ने सूचना आएपछि शनिबार साँझ घटनास्थलतर्फ प्रहरी टोली प्रस्थान गरेको जिल्ला प्रहरी कार्यालयका प्रमुख प्रहरी उपरीक्षक डम्बर बहादुर बिकले जानकारी दिनुभयो ।

घटनाको थप जानकारी प्रहरी टोलीले अनुसन्धान गरेपछि मात्र दिन सकिने प्रहरीले जानकारी दिएको छ ।

घटनास्थल सदरमुकामबाट दुई दिनको पैदल दूरीमा पर्छ । वर्षाका कारण सदरमुकामबाट प्रहरी टोली घटनास्थल पुग्न धेरैबेर लाग्ने भएकोले फूलखर्क प्रहरी चौकी दार्खा इलाका प्रहरी कार्यालयबाट घटनास्थलतर्फ प्रहरी गएको र थप विवरण आउन बाँकी रहेको प्रहरी उपरीक्षक बिकले बताउनुभयो ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्