राजीनामा दिनुअघि रोए, राजीनामा दिएपछि हाँस्दै हिँडे मन्त्री तामाङ (भिडियो)

 साउन ९, २०७५ बुधबार ७:३५:१० | उज्यालो सहकर्मी

काठमाडौं – बंगलादेशमा एमबीबीएस पढ्ने नेपाली छात्राको विषयमा जथाभावी बोलेको भन्दै आलोचना भएपछि कानुन, न्याय तथा संसदीय मामिला मन्त्री शेरबहादुर तामाङले मंगलबार मन्त्री पदबाट राजीनामा दिनुभएको छ । 

कानुन मन्त्रालयमा मंगलबार पत्रकार सम्मेलन गर्दै कानुनमन्त्री तामाङले राजीनामा दिनुभएको हो । पत्रकार सम्मेलनमा भावुक हुँदै आफ्नो अभिव्यक्तिलाई तोडमोड गरेर प्रस्तुत गरिएको उहाँले बताउनुभयो । आफू सधैँ नेपाली महिलाको सम्मानमा आँच आउन नदिने कुरामा सजग भएको उहाँले बताउनुभयो । 

आफूले एउटा सार्वजिनक कार्यक्रममा दिएको अभिव्यक्तिलाई गलत तरिकाले बुझिएको बताउँदै नारी अधिकारका लागि आफू निरन्तर लड्दै आएको बताउनुभयो । आफूले बंगलादेशमा पढ्ने छात्राहरु हिंसामा परेका कुरा भनेको स्पष्ट पार्दै त्यसलाई अतिरञ्जित पारिएको उहाँले बताउनुभयो । 

कानुनमन्त्री तामाङले पत्रकार सम्मेलनमा भन्नुभयो, ‘महिला मलाई जन्माउने आमा हो । मेरो जीवन साथी हो । छोरी मेरो सन्तान हो । भविष्य हो । सबै हो । आमाको नामबाट नागरिकता दिने विषयको आन्दोलनमा मेरो पनि सहयोग छ । हिंसा भएको छ भनेर मैले आफै बोलेकै हो । तर केही क्लिप मात्रै निकालेर बंग्याएर समाचार आएको हो ।’

कानुनमन्त्री तामाङको अभिव्यक्तिले सरकार र पार्टीलाई काम गर्न अप्ठेरो भएपछि उहाँलाई पार्टीले राजीनामा दिन निर्देशन दिएको थियो ।   

मन्त्री तामाङले आफ्नो अभिव्यक्तिलाई विवादमा तानेर सरकारलाई नै असफल बनाउन लागिएको कारण सरकारको समृद्धिको यात्रामा अवरोध नआओस् भनेर राजीनामा दिएको प्रष्ट पार्नु भएको छ ।

राजीनामा घोषणा गर्नुअघि बोल्ने क्रममा उहाँको गला अवरुद्ध भएको थियो । आँखाबाट आँसु आएको थियो । राजीनामा दिएपछि भने उहाँ हाँस्दै बाहिरिनुभयो ।

मन्त्री तामाङले बंगलादेशमा एमबीबीएस अध्ययनरत नेपाली छात्राहरुबारे आपत्तिजनक अभिव्यक्ति दिनुभएको थियो । यसअघि आफ्नो अभिव्यक्तिप्रति उहाँले माफी माग्नुभएको थियो । 

अन्तिम अपडेट: चैत २, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • गगन थापा

    July 27, 2018, 5:04 a.m.

    केटाको 5बर्षमा mbbs पास हुने केटिहरूकोचाहिँ किन 9बर्षमा पास हुने ?मलाईनि ठिक लागेना यो कस्तो एम बि बि एस हो?

  •  0 Reply

तपाईको प्रतिक्रिया

समाचार

लोकप्रिय

१

युक्रेनसँगको युद्धविरामका लागि रुसको विभिन्न सर्त

२

भूमध्य सागरको १६ हजार ७ सय ७० फिटसम्म फोहोर पुग्यो

३

रुस र युक्रेनद्वारा एकअर्कामाथि ड्रोन आक्रमणलाई निरन्तरता

४

दिल्ली क्यापिटल्सको कप्तानी अक्षर पटेलले गर्ने

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई