उचित मूल्य नपाएपछि किसानको आन्दोलन

 साउन ९, २०७५ बुधबार ९:५४:४७ | उज्यालो सहकर्मी


काठमाडौं – आफूले उत्पादन गरेको वस्तुको मूल्य नपाएको भन्दै किसान आन्दोलित भएका छन् । किसानले तरकारीको उचित मूल्य पाउनु पर्ने माग गर्दै काठमाडौंको मुख्य थोक बजार कालिमाटी फलफूल तथा तरकारी बजार विकास समिति अगाडि विरोध प्रदर्शन गरिरहेका छन् ।

काठमाडौं उपत्यकासहित बाहिरी जिल्लाका किसानले उचित मूल्य पाउनु पर्ने भन्दै २ सय भन्दा धेरै किसान विरोधमा छन् । कामिाटी बजार काठमाडौं मुख्य बजार रहेकाले कालिमाटीमा प्रर्दशन गरेको कृषि उपज उचित मूल्यमा लागि दबाबमुलक समितिका संयोजक टिका सुवेदीले बताउनुभयो ।

उहाँका अनुसार किसानले उत्पादन गरेको तरकारीको लागत पनि उठेको छैन । किसानले एक किलो गोलभेडा उत्पादन गर्दा औसतमा ३० देखि ३५ रुपैयाँ पर्न जान्छ  । तर विक्रि गर्दा १० देखि १५ रुपैयाँ मात्रै पाउने गरेको उहाँले बताउनुभयो ।  सरकारले आयातित तरकारीलाई प्राथमिकता दिँदा स्वदेशी उत्पादनले बजार नपाएको किसानले गुनासो गरेका छन् । भारतबाट सस्तोमा पाउने भन्दै अहिले धेरै व्यापारीले नेपाली उत्पादन किन्न छोडेका छन् ।

यसले गर्दा नेपाली किसानले उत्पादन गरेको गोलभेडा लगायतका तरकारी खेतबारीमै कुहिने अवस्थामा पुगेको छ । भारतबाट विषादी हालेको तरकारी पनि आयात गर्ने तर स्वदेशमै उत्पादित तरकराले बजार नपाउँदा पनि चासो नदिने भन्दै किसानले सरकारको आलोचना पनि गरेका छन् । उनीह्रुले नेपाली तरकारी निर्यात भारतले रोक्दा पनि सरकारले वेवास्ता गरेको गुनासो गरेका छन् । 


 

अन्तिम अपडेट: फागुन २९, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया