मेलम्ची पहिराेमा ज्यान गुमाएका ८ जनाकै सनाखत

 साउन १९, २०७७ सोमबार २०:८:१२ | उज्यालो सहकर्मी
unn.prixa.net

फाइल फाेटाे

सिन्धुपाल्चोक – मेलम्ची नगरपालिका वडा नम्बर ११ मा पहिरोमा परेर ज्यान गुमाएका आठ जनाकै सनाखत भएको छ ।

ज्यान गुमाउनेमा बाराको सिमराका राजेश चौधरी, विक्रम थिङ, मानबहादुर रुम्बा, सिमन घलान, शिव बालक र सोनम लामा रहेका छन् । यस्तै वीरगञ्जका प्रदीप चौरासिया र भारतका राजेन्द्र चौरासियाको पनि ज्यान गएको छ ।

ज्यान गुमाएकाहरुको शव मेलम्ची प्राथमिक स्वास्थ्य केन्द्रमा राखिएको छ । पहिरोमा परेर घाइते भएका भारतका बारु शाहलाई उपचारका लागि काठमाण्डाै ल्याइएको छ ।

यसैबीच सिन्धुपाल्चोकको पाँचपोखरी थाङपाल गाउँपालिका २ बरुवामा पहिरोले घर पुरिँदा क्षेत्री टोलका यज्ञबहादुर क्षेत्री र उहाँकी श्रीमती लक्ष्मीको ज्यान गएको वडाध्यक्ष पासाङ लामाले जानकारी दिनुभयो । 

अन्तिम अपडेट: भदौ ५, २०७७

तपाईको प्रतिक्रिया