काठमाण्डाैमा ४८ सहित उपत्यकामा थप ६२ जनामा कोरोना सङ्क्रमण

 साउन २०, २०७७ मंगलबार १७:४०:३९ | उज्यालो सहकर्मी
unn.prixa.net

काठमाण्डाै – पछिल्लो २४ घण्टामा काठमाण्डाै उपत्यकामा थप ६२ जनामा कोरोनाकाे सङ्क्रमण देखिएको छ । स्वास्थ्य मन्त्रालयकाे नियमित कोरोना अपडेटमा प्रवक्ता डाक्टर जागेश्वर गौतमले काठमाण्डाैमा ४८, ललितपुरमा एक र भक्तपुरमा १३ गरी थप ६२ जनामा कोरोना सङ्क्रमण देखिएको बताउनुभयाे । 

पछिल्लाे समय काठमाण्डाै उपत्यकामा काेराेनाकाे जाेखिम बढेसँगै परीक्षणकाे दायरालाई व्यापक बनाइएकाे मन्त्रालयले दाबी गरेकाे छ । 

पछिल्लाे २४ घण्टामा देशभर दुई सय ५९ जनामा कोरोना सङ्क्रमण पुष्टि भएसँगै सङ्क्रमितको सङ्ख्या २१ हजार नौ पुगेको स्वास्थ्य तथा जनसङ्ख्या मन्त्रालयले जनाएको छ ।

साथै पछिल्लाे २४ घण्टामा कोरोना सङ्क्रमणमुक्त भएर ६५ जना घर फर्किएका छन् । योसँगै नेपालमा कोरोनालाई जित्नेको सङ्ख्या १५ हजार २६ पुगेको छ ।

अन्तिम अपडेट: साउन २१, २०७७

तपाईको प्रतिक्रिया