सलहको केही झुण्ड फेरि बझाङ र पर्वतमा देखियो, बालीनालीमा सामान्य क्षति

 साउन २२, २०७७ बिहिबार ८:५४:३४ | उज्यालो सहकर्मी
unn.prixa.net

काठमाण्डाै - बझाङ सलहको केही झुण्ड फेरि बझाङ र पर्वतमा देखिएको छ ।

धेरै दिनपछि हिजो बझाङको केदारस्युँ गाउँपालिका र पर्वतको केही ठाउँमा झुण्ड देखिएको प्लान्ट क्वरेण्टीन तथा विषादी व्यवस्थापन केन्द्रका प्रमुख सहदेव हुमागाईँले जानकारी दिनुभयो । 

बझाङको केही ठाउँमा बालीनालीमा सामान्य क्षति गरेको उहाँले बताउनुभयो । तर झुण्ड तितरबितर भएर सानो सङ्ख्यामा भएकाले धेरै नोक्सानी गर्ने सम्भावना छैन । नेपालमा लगातार जस्तै पानी परेकाले धेरैजसो सलह मरेका थिए । 

पानी परेको बेला निस्क्रिय भएर जङ्गलमा बसेका झुण्ड हिजो र अस्ति घाम लागेकाले फेरि सक्रिय भएको हुन सक्ने हुमागाईँले भनाइ छ । यसैबीच सीमावर्ती भारतमा रहेका सलहका झुण्ड भने तत्काल नेपाल आउने सम्भावना छैन।

अहिले तत्काल आउने सम्भावना नदेखिए पनि ढुक्क भएर भने बस्न नहुने उहाँले बताउनुभयो । अझै एक महिनाजति सलह छिर्नसक्ने जोखिम कायमै रहेकाले ख्याल गर्न प्लान्ट क्वरेण्टीन तथा विषादी व्यवस्थापन केन्द्रका प्रमुख सहदेव हुमागाईँले आग्रह गर्नुभएको छ । 
 

अन्तिम अपडेट: साउन २३, २०७७

तपाईको प्रतिक्रिया