मास्क नलगाउने ४ लाख बढीलाई कारबाही, अनुमति विना काठमाण्डौ उपत्यका प्रवेश गर्न खोज्नेलाई फर्काइयो

साउन २९, २०७७ बिहीबार २१:४१:५३ | उज्यालो सहकर्मी

काठमाण्डौ - कोरोना सङ्क्रमण रोकथामका लागि जारी भएका सुरक्षा मापदण्ड विपरीत काम गर्नेलाई सरकारले कारबाही गरेको छ । देशैभरि कोरोना सङ्क्रमण फैलिएको भन्दै गृह मन्त्रालयले स्वास्थ्य सुरक्षाका मापदण्ड नअपनाउनेलाई कारबाही गरेको हो ।

यसअघि काठमाण्डौ उपत्यका र दुई सयभन्दा धेरै सङ्क्रमित रहेका जिल्लामा जोर–बिजोर प्रणाली लागू गर्ने/गराउने, कोरोना सङ्क्रमण बढ्दै गएका जिल्ला क्रमशः बन्द गर्दै जाने र परीक्षण बढाउने , अन्तर्राष्ट्रिय सीमा नाकामा थप कडाइ गर्ने र सामूहिक भोज भतेर र समारोह पूर्णरुपमा बन्द गर्ने गृह मन्त्रालयले जनाएको छ ।

यसैगरी भौतिक दूरी कायम गर्ने, अनिवार्य मास्क लगाउने र नमान्नेलाई कारबाही गर्ने गरिएको गृह मन्त्रालयले जनाएको छ ।

सरकारको निर्देशनको प्रभावकारी कार्यान्वयन भए नभएको अनुगमन गरी कारबाही तीव्र बनाउन विभिन्न अनुगमन टोली परिचालन गरिएको छ ।

अहिलेसम्म ४ लाख १९ हजार ५ सय ३८ जना मास्क नलगाउनेलाई कारबाही गरिएको छ । यस्तै अनुमति विना काठमाण्डौ उपत्यका प्रवेश गर्न खोज्ने सात हजार ६ सय ३५ वटा गाडी र १९ हजार चार सय ८३ पैदल यात्रुलाई नाकाबाट फिर्ता पठाइएको गृह मन्त्रालयले जनाएको छ ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्