‘निःशुल्क भिसा र अनिवार्य पीसीआरको नीति अवलम्बन गरे बाह्य पर्यटन प्रवर्द्धन गर्न सकिन्छ’

साउन ३१, २०७७ शनिबार १६:५:६ | उज्यालो सहकर्मी

काठमाडौं – नेपाल पर्यटन बोर्डका पूर्व प्रमुख कार्यकारी अधिकृत (सीईओ) दिपकराज जोशीले ‘निःशुल्क भिसा र अनिवार्य पीसीआर’ को नीति अवलम्बन गरे बाह्य पर्यटन प्रवर्द्धन गर्न सकिने बताउनुभएको छ ।

विश्व नै कोरोनासँग जुधिरहेको भए पनि नेपालका पर्यटकीय गन्तव्यहरु कोरोनाबाट सुरक्षित रहेको सन्देश प्रवाह गर्दै निःशुल्क भिसा र अनिवार्य पीसीआर’ को नीति अवलम्बन गरे बाह्य पर्यटन प्रवर्द्धन गर्न सकिने उहाँले बताउनुभयो ।

नेपाल सुरक्षित गन्तव्य बनेको सन्देश दिन आन्तरिक पर्यटन खुला गर्नुपर्ने उहाँकाे भनाइ छ । विदेशबाट आउने व्यक्तिलाई कम्तिमा १४ दिन क्वरेण्टीनमा बस्नैपर्ने नीतिका कारण पर्यटकहरु आउन नचाहेको भन्दै उहाँले क्वरेण्टीन नभएर पीसीआरलाई अनिवार्य बनाउनुपर्ने बताउनुभयो ।

उहाँले विदेशी पर्यटकलाई आफ्नाे देशमा नै पीसीआर परीक्षण गर्ने र नेपाल आएपछि पुनः पीसीआर परीक्षण गर्ने प्रावधान राख्नुपर्ने बताउनुभयो । सात दिन भन्दा बढी बस्नेको हकमा घुम्दाघुम्दैको अवस्थामा पनि पीसीआर परीक्षण गर्ने वातावरण सरकारले निर्माण गर्नुपर्ने उहाँको भनाइ छ ।

यस्तै उहाँले भिसा शुल्क बापतको रकमले पीसीआर परीक्षण अनिवार्य बनाउन सकेमा बाह्य पर्यटक भित्र्याउन समस्या नहुने बताउनुभयो । सरकारले पर्यटन पुनर्उत्थानका लागि छुट्याएको ५० अर्बको कोष तत्काल परिचालन गर्नुपर्ने पनि जोशीले बताउनुभयो ।

कोषलाई आवश्यक परेको समयमा परिचालन गर्न नसकिए कुनै अर्थ नहुने भन्दै १५/२० दिनभित्रमै यसको परिचालन गर्न सक्नुपर्ने उहाँकाे भनाइ छ ।

अन्तिम अपडेट: माघ २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्