नेपालको झण्डा जलाएर भिडिओ बनाउनेको खोजी तीव्र, भिडिओको सर्वत्र विरोध

 भदौ २, २०७७ मंगलबार १४:४२:१७ | उज्यालो सहकर्मी
unn.prixa.net

काठमाण्डाै – नेपालको झण्डा जलाएर बनेको एउटा भिडिओको चर्को विरोध भएको छ ।

मङ्गोल हप अफिसियल युट्युब च्यालनमा आइतबार अपलोड भएको भिडिओमा विभिन्न समुदायलाई अश्लिल भाषामा गाली गरिएको छ । भिडिओमा नेपालको झण्डामा आगो लगाएको देखिन्छ । भिडिओ श्री विष्णु आधारभूत विद्यालय, वाग्मती गाउँपालिका वडा नम्बर तीन सल्लेनीमा छायाँकन भएको देखिएको छ । 

देशको  झण्डा जलाएको र समुदायलाई भड्काउने हिसाबले आएको भिडिओ युट्युबबाट हटाएर गायकलाई कारबाहीको माग उठेको छ । सामाजिक सञ्जालमा भिडिओको सर्वत्र विरोध भइरहेको छ । नेपाली कांग्रेसका प्रवक्ता विश्वप्रकास शर्माले ट्वीटमार्फत यस्ता गतिविधि गर्नेलाई कडा कारबाहीको माग गर्नुभएको छ । 

राष्ट्रिय प्रजातन्त्र पार्टीका नेता राजेन्द्र लिङ्देनले पनि भिडिओको विरोध गर्दै तत्काल कारबाहीको माग गर्नुभएको छ । 

नेपाल प्रहरीले गायक र भिडिओमा अभिनय गर्नेको खोजी तीव्र पारिएको जनाएको छ । मङ्गलबार बिहानै जिल्ला प्रहरी कार्यालय मकवानपुर र प्रहरीका अन्य निकायलाई पनि गायक र भिडिओमा देखिएका अन्यको खोजीको लागि सर्कुलर भइसकेको नेपाल प्रहरीका प्रवक्ता कुवेर कडायतले उज्यालोलाई जानकारी दिनुभयो ।

‘भिडिओ सुटिङ भएको ठाउँ प्रस्ट चिनिएको छ, अभिनय गर्नेको अनुहार पनि प्रस्ट छ, उनी छिटै पक्राउ पर्नेछन्’, प्रहरी प्रवक्ता कडायतले भन्नुभयो । 

अन्तिम अपडेट: माघ २७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • सन्तोष Tmg

    Aug. 19, 2020, 1:56 p.m.

    निकै राम्रो काम तर नेपालको नकशा केक बनाएर काटीखानेलाई चाही किन तिब्र खोजी गरि कार्बाही भएन? अनि झ्ण्डा च्यात्तिएको जस्तो बनाएर पुस्तकको बाहिरी पन्नामा राख्ने चल्तिको लेखक र प्रकासकलाई पनि किन तिब्र खोजी गरि कार्बाही गरिएन ? सक्तिको खुट्टा ढोग्ने ढोङ्गी पत्रीकालाई मेरो प्रश्न? छ दम देशको स्वरुपलाई केक बनाई काटिखानेको विरुद्ध कलम चलाउने कुनै माइकलालको ?

  •  0 Reply

  • Nitesh Das

    Aug. 18, 2020, 5:03 p.m.

    नेपाली भएर नेपालको झण्डामा आगो ....यो मान्छेलाई कारवाही गर्नुपर्यो /

  •  0 Reply

  • Kumar Gurung

    Aug. 18, 2020, 4:23 p.m.

    नेपाली कानुनबमोजिम कारबाही गर्नुपर्छ तर देशको नक्शा जस्तो केक बनाएर काटेर खाने र झण्डा जलाउने दुबैलाई

  •  0 Reply

तपाईको प्रतिक्रिया

समाचार

लोकप्रिय

१

हज यात्रामा बालबालिकालाई लैजान प्रतिबन्ध, भारतसहित १४ वटा देशका लागि एकतर्फी प्रवेश भिसा

२

युक्रेन कुनै दिन रुसी भाग हुनसक्ने अमेरिकी राष्ट्रपति ट्रम्पको अभिव्यक्ति

३

प्यालेस्टिनीहरूलाई राख्न अस्वीकार गर्ने देशको सहयोग रोक्ने अमेरिकी राष्ट्रपति ट्रम्पको चेतावनी

४

बाग्लुङमा सेवाग्राही विदेशिएपछि १५ हजार परिचयपत्र थन्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई