बाढी पहिरोमा ज्यान गुमाएकाका परिवारलाई दुई लाख, घाइतेको उपचार खर्च सरकारले बेहाेर्ने

भदौ २, २०७७ मंगलबार १७:५७:४५ | उज्यालो सहकर्मी

काठमाण्डौ – सरकारले बाढी पहिरोमा परेर ज्यान गुमाएका व्यक्तिको परिवारलाई दुई लाख रुपैयाँ राहत दिने भएको छ ।

मन्त्रिपरिषद्को निर्णय सार्वजनिक गर्दै सरकारका प्रवक्ता, अर्थ एवं सञ्चार तथा सूचना प्रविधि मन्त्री डाक्टर युवराज खतिवडाले बाढी पहिरोबाट कुनै परिवारको एक जनाको ज्यान गएमा दुई लाख रुपैयाँ र त्यही घरको अरु व्यक्तिको पनि ज्यान गएमा प्रतिव्यक्ति एक लाखका दरले राहत दिने निर्णय गरेको जानकारी दिनुभयो ।

यस्तै बाढी पहिरोमा परेर घाइते भएकाहरुको सबै उपचार खर्च सरकारले बेहोर्ने र उपचारमा ढिलाइ नगर्ने पनि निर्णय गरेको उहाँले जानकारी दिनुभयो । यस्तै अस्पतालबाट घर फर्किँदा यातायात खर्च र एक हजार बाटो खर्चसमेत दिने निर्णय भएको छ ।

बाढी पहिरोबाट घर पूर्ण क्षति भएमा वा जोखिम बढेर अर्को ठाँउमा बनाउनुपर्ने भएमा एक लाख रुपैयाँ दिने निर्णय मन्त्रिपरिषद्को बैठकले गरेको छ । यस्तै क्षति भएको घर पुनर्निर्माणको लागि सहुलियतमा काठ पनि उपलब्ध गराइने भएको छ ।

अन्तिम अपडेट: माघ २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाढी पहिरोमा ज्यान गुमाएकाका परिवारलाई दुई लाख, घाइतेको उपचार खर्च सरकारले बेहाेर्ने

फाइल फाेटाे

तपाईको प्रतिक्रिया