'नि:शुल्क हो, एकपटक पीसीआर गरौँ' भन्ने होडबाजीले राज्यलाई आर्थिक भार मात्रै थपिन्छ : मेयर शाक्य

भदौ ६, २०७७ शनिबार २०:२३:३३ | उज्यालो सहकर्मी

काठमाण्डाै – काठमाण्डाै महानगरपालिकाका प्रमुख विद्यासुन्दर शाक्यले 'नि:शुल्क हो, एकपटक पीसीआर गरौँ' भन्ने होडबाजीले राज्यलाई आर्थिक भार थपिने बताउनुभएकाे छ ।

शाक्यले सावधानी नअपनाउने तर पीसीआर परीक्षणमा मात्रै ध्यान दिने हो भने त्यसले देशको ठूलो धनराशी खर्च हुने र अर्थतन्त्रमा समेत नराम्रो असर गर्ने बताउनुभयो । पीसीआर परीक्षण कोरोना भाइरसको सङ्क्रमण रहे–नरहेको पुष्टि गर्ने अन्तिम परीक्षण मात्र भएकाे भन्दै यसले कोरोना रोकथाम नगर्ने उहाँकाे भनाइ छ ।

‘गर्नेपर्ने व्यक्ति छ भने राज्यले खोजी–खोजी परीक्षण गर्छ, तर, नि:शुल्क पाइयो भनेर र पहुँचका भरमा आशंका नै नभएका व्यक्तिले पनि पटक–पटक परीक्षण गर्ने हो भने सम्भावित सङ्क्रमितको पहुँचमा परीक्षण नपुग्ने अवस्था हुनसक्छ,’ उहाँले भन्नुभयो, ‘त्यसले राज्यलाई अनावश्यक आर्थिक बोझ मात्रै थुपार्छ ।'

यस्तै उपत्यकाबासीले यस अघि पनि लामो समयसम्मको लकडाउनलाई पूर्ण पालना गरी सरकारलाई सहयोग गरेको स्मरण गराउँदै प्रमुख शाक्यले अझै केही सयम कष्ट सहेर भए पनि निषेधाज्ञाको पूर्ण पालना गर्न आग्रह गर्नुभयो ।

उहाँले लकडाउन हटे पनि कोरोना अझै हटेको छैन भन्ने बुझाउन नसक्दा पुनः कोरोनाको सङ्क्रमण फैलिदै गएको भन्दै पछिल्लो समय उपत्यका भित्रिनेको संख्यामा भएको उल्लेख्य वृद्धिले सङ्क्रमणको खतरा बढेको बताउनुभयो ।

‘परीक्षण गरेर आउनेले आफू र अरुलाई पनि सुरक्षित बनाए,’ उहाँले भन्नुभयो, ‘तर, लुकिछिपी ल्याउने र आउनेले गर्दा उपत्यका अशान्त भयो ।’

मेयर शाक्यले काेराेना सङ्क्रमणबाट कसैले पनि त्रसित नहुन तर सजग रहन आग्रह गर्नुभएकाे छ । काठमाण्डौ महानगरपालिकाले ३२ वटै वडामा १० ओटा कन्ट्याक्ट ट्रेसिङ टोली बनाएर काम गरिरहेको पनि उहाँले बताउनुभयाे ।

अन्तिम अपडेट: माघ २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Digamber mishra
Aug. 23, 2020, 6:41 a.m.
हैन के खोजेको हो यो सरकारले ...बिगत ५/६ महिना सम्म घरमा कैदी जस्तो बन्द गरेर राख्यो र अहिले पिसिआर जांच गराउन नमिल्ने भन्छ / धेरैले रोजगार गुमाएका छन् , सबै उद्द्योग धन्दा बन्द छ , तर उद्द्योगको निश्चित खर्च खर्च, कामदारको तलव दिनु परेकै छ ..किन कोही बोल्दैनन यस बारे / अब त विश्व स्वास्थ्य संगठनले पनि भनिसक्यो कि २ वर्ष अघि कोरोना जाँदैन भनेर ..त्यसैले किन गर्नुपर्यो लकडाउन अनि निषेधाज्ञा, जबकी नेपालमा मृत्युदर एक प्रतिशत पनि छैन /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'नि:शुल्क हो, एकपटक पीसीआर गरौँ' भन्ने होडबाजीले राज्यलाई आर्थिक भार मात्रै थपिन्छ : मेयर शाक्य

1 Comments

Digamber mishra

तपाईको प्रतिक्रिया

तपाईको प्रतिक्रिया