कुलमानको कार्यकाल थप्नेबारे प्रस्ताव नै थिएन, कसरी फैलियो हल्ला ?

 भदौ ९, २०७७ मंगलबार २०:२५:४६ | उज्यालो सहकर्मी
unn.prixa.net

सामाजिक सञ्जाल

काठमाण्डाै – मङ्गलबार बेलुका पाँच बजेपछि सामाजिक सञ्जालमा नेपाल विद्युत् प्राधिकरणका कार्यकारी निर्देशक कुलमान घिसिङको कार्यकाल थप भएको बारे निकै हल्ला भयो । मन्त्रिपरिषद्को बैठकले कुलमान घिसिङको कार्यकाल चार वर्ष थपेको भन्दै ट्विटर र फेसबुकमा बधाई दिनेको ओइराे लाग्यो । प्रतिष्ठित व्यक्तिहरुले पनि कुलमानलाई बधाई दिइरहेका थिए । केही सञ्चारमाध्यमले पनि घिसिङको कार्यकाल थप भनेर समाचार लेखे । 

तर कुलमान घिसिङलाई विद्युत् प्राधिकरणमा दोहोर्‍याउनेबारे मङ्गलबारको मन्त्रिपरिषद्को बैठकमा प्रस्ताव नै पुगेको थिएन । कुलमानको विषय मन्त्रिपरिषद्काे आजको एजेन्डा नै थिएन । २९ गते कार्यकाल सकिने कुलमानको बारेमा मन्त्रिपरिषदमा प्रस्ताव नै नजाँदै समय थपिएको खबर भाइरल भएपछि मन्त्रीहरु नै छक्क परेका छन् । 

‘लिखित रुपमा आज प्रस्ताव नै आएको छैन, प्रधानमन्त्रीबाट सिधै प्रस्ताव आएमा निर्णय हुन सक्थ्यो, उहाँको कार्यकाल अझै बाँकी छ तर विभागीय मन्त्रीले नै प्रस्ताव नल्याउनु भएकाले सिधै निर्णयको सम्भावना भएन’, एक मन्त्रीले उज्यालो अनलाइनसँग भने ।

कुलमान घिसिङको कार्यकाल भदौ २९ गते सकिँदैछ । भदौ २१ गतेअघि नै कार्यकाल सकिन लागेका अर्थ मन्त्री डाक्टर युवराज खतिवडाको निर्णय नगरेको सरकार २९ गते कार्यकाल सकिने घिसिङको कार्यकाल थप्ने हतारोमा छैन । हरेक हप्ता दुई वटा मन्त्रिपरिषद्का बैठक बस्छन्, यस हिसाबले २९ गतेसम्म ६ वटा मन्त्रिपरषद्का नियमित बैठक नै बस्ने छन् । ६ वटा बैठकअघि नै कुलमानको बारेमा नियुक्ति गर्न सरकारलाई कुनै हतारो नै देखिन्न । 

कसरी फैलियो हल्ला ?

यही भदौ २९ गते चार वर्षे कार्यकाल सकिन लागेका घिसिङलाई फेरि प्राधिकरणमै नेतृत्व दिनुपर्छ भन्ने आवाज बढ्दै गएको छ । सामाजिक सञ्जालमा पनि चर्को माग छ । हरिवंश आचार्य, मनोज गजुरेल, करिश्मा मानन्धरलगायतका कलाकारले सामाजिक सञ्जालबाटै कुलमानको कार्यकाल थप्न माग गरिरहेका थिए । मङ्गलबार दिउँसो यस्ता खबरले पनि निकै स्थान पाए । 

तर कुलमानलाई मन्त्रिपरिषद्ले दोहोर्‍याएकाे खबरको सुरु गरेका थिए हास्य कलाकार दीपकराज गिरीले । उनले फेसबुकमा लेखेका थिए, ‘आज बसेको मन्त्रिपरिषद् बैठकले कुलमान घिसिङलाई नै विद्युत् प्राधिकरणको प्रमुख पदमा निरन्तरता दिने निर्णय गरेको छ । सरकारसँग यस्तै आसयकाे समाचार प्रेसित गरेर जनताकै पक्षमा उभिनुकाे विकल्प छैन।’  

दीपकराजको यो स्टाटस फैलिन समय लागेन । फेसबुकदेखि ट्विटरसम्म उनकै स्टाटस शेयर र स्क्रिनशर्टसहित फैलाउने काम भयो । दीपकराजकै स्टाटसलाई आधार मानेर सामाजिक सञ्जालमा कुलमानको नियुक्ति दोहोरिएको विषय भाइरल भयो । उनको स्टाटसमा ११ हजारभन्दा धेरैले लाइक गरेका छन्, ११ सय जनाको कमेन्ट रहेको छ ।

यस्तै ट्विटरमा कुलमान घिसिङको नक्कली ट्वीट ह्याण्डलबाट पनि यो विषय भाइरल बन्यो । नेकपाको विद्यार्थी सङ्गठनका सहसंयोजक रञ्जित तामाङले नै कुलमानको नक्कली ह्याण्डलबाट गरिएको ट्वीट रिट्वीट गरेर बधाई दिएका थिए । 

अन्तिम अपडेट: माघ २७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

7 Comments

  • प्रदीप श्री

    Aug. 26, 2020, 4:55 p.m.

    कलाकारको फेसबुकमा लेखिएको आशयलाइ विषेश महत्वको साथमा प्रकाशन गर्ने बिभिन्न संचार माध्यमका पत्रकार ज्यु कि त सरकारले झुठको खेति गरेकोमा कार्बाही गरी सरकारको उपस्थितिको भान दियोस् कि कुलमानकलाइ पुनः नियुक्ति दिइ ईमान्दारिताको सम्मान गरोस् |

  •  0 Reply

  • जनक मान डङ्गोल

    Aug. 26, 2020, 10:02 a.m.

    नेपाल हल्लैहल्लाको देश हो भनेर त्यसै कविता जन्मेको हैन, तर राम्रो काम गर्नेलाई अर्को मौका दिनु पर्छ !

  •  0 Reply

  • Dev

    Aug. 25, 2020, 11 p.m.

    यो हल्ला होइन, चाहना हो नागरिकको !

  •  0 Reply

  • शंकर राइ

    Aug. 25, 2020, 10:49 p.m.

    जोकरको काम जगत हँसाउनु वाहेक अरु के नै हुन्छ र ? अव यसको नाटक सकियो !

  •  0 Reply

  • eknarayan

    Aug. 25, 2020, 10:05 p.m.

    बिचारका लागि अायल निगम दिन सक्छ त याे सरकारले कुलमानलाई, याे पनि अखडा त हाे नि बदमासहरुकाे / तर म ढुक्क छु त्यहाँ पठाए पनि परिवर्तन अवश्य हुनेछ ।

  •  0 Reply

  • बाबु राम श्रेष्ठ

    Aug. 25, 2020, 10:01 p.m.

    हल्ला होइन यो साचो हुनु पर्छ यदि केपि ओलि बहादुर मन्त्री भए

  •  0 Reply

  • Ramesh Mohan Adhikari

    Aug. 25, 2020, 9:16 p.m.

    यसको अर्थ हो, नागरिकहरू कुलमानको कार्यकाल थपिएको सुन्न चाहन्छन् ।

  •  0 Reply

तपाईको प्रतिक्रिया

समाचार

लोकप्रिय

१

हज यात्रामा बालबालिकालाई लैजान प्रतिबन्ध, भारतसहित १४ वटा देशका लागि एकतर्फी प्रवेश भिसा

२

प्यालेस्टिनीहरूलाई राख्न अस्वीकार गर्ने देशको सहयोग रोक्ने अमेरिकी राष्ट्रपति ट्रम्पको चेतावनी

३

बाग्लुङमा सेवाग्राही विदेशिएपछि १५ हजार परिचयपत्र थन्कियो

४

इजरायली बन्धकको रिहाइ रोक्ने हमासको चेतावनी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई