निषेधाज्ञाको पहिलो हप्ता काठमाण्डौमा ६ हजार ३ सय गाडीलाई होल्ड

भदौ ११, २०७७ बिहीबार ७:३८:५९ | उज्यालो सहकर्मी

काठमाण्डौ - सरकारले जारी गरेको निषेधाज्ञाको पहिलो हप्ता काठमाण्डौ उपत्यकामा ६ हजार ३ सय १७ गाडी होल्डमा परेका छन् ।

होल्डमा परेका गाडीहरुलाई बेलुकी ८ बजेतिर छाड्ने गरिएको र जबरजस्ती गर्नेलाई ३ दिनसम्म पनि होल्ड गर्ने गरिएको महानगरीय ट्राफिक प्रहरी महाशाखाका प्रमुख भीमप्रसाद ढकालले बताउनुभयो ।

उहाँका अनुसार कारबाहीमा पर्ने गाडीमध्ये ८० प्रतिशत दुईपाङ्ग्रे अर्थात मोटरसाइकल रहेका छन् । यस्तै निषेधाज्ञाको यो समयमा जाँडरक्सी खाएर गाडी चलाउनेहरु पनि कारबाहीमा परेका छन् ।

जाँडरक्सी खाएर गाडी चलाउनेहरुलाई नियमअनुसार कारबाही गरिएको महाशाखाले जनाएको छ । निषेधाज्ञा थप भएसँगै ट्राफिक प्रहरीले थप कडाइ गरेको छ ।

अत्यावश्यक सेवाकाबाहेक अरु गाडी नचलाउन ट्राफिक प्रहरीले आग्रह गरेको छ । औषधि तरकारी, प्रेस, खाद्यान्नलगायत अति आवश्यक सामग्री बोक्ने गाडीलाई भने ट्राफिक प्रहरीले छाड्ने गरेको छ ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्