गोकर्णेश्वरका दुई वटा पानी उद्योग सिल

 भदौ १४, २०७७ आइतबार १८:५४:१७ | उज्यालो सहकर्मी
unn.prixa.net

काठमाण्डाै – वाणिज्य, आपूर्ति तथा उपभोक्ता संरक्षण समितिले काठमाण्डौका दुई वटा पानी उद्योगमा सिल गरेको छ । आइतबार गरिएको अनुगमनका क्रममा नियमअनुसार सञ्चालन नभएको पाइएकाले दुई वटा उद्योगमा सिल गरिएको र एउटा उद्योगलाई सात दिनभित्र उपस्थित हुन निर्देशन दिइएको विभागले जनाएको छ ।

अनुगमनका क्रममा गोकर्णेश्वर नगरपालिका ६ को डाँफे मिनरल वाटर प्रालीले अनुज्ञापत्र र ट्रेडमार्कका कागजपत्र नराखेको तथा गोर्खा वेभरेजले बोरिङको अनुमति नलिइकन पानी प्रशोधन गरेर बिक्री गरेकोले यी दुई उद्योग विभागले सिल गरेको हाे । 

यस्तै ब्लु  पाइन मिनरल वाटर र सुप्रिया टेडर्सलाई कागजातसहित सात दिनभित्र विभागमा उपस्थित हुन  निर्देशन दिइएको छ । 

अन्तिम अपडेट: भदौ १६, २०७७

तपाईको प्रतिक्रिया