तोकिएको अवधि सकिँदा पनि ओलाङचुङगोला लोकमार्गमा पर्ने लिम्बुनी पुल निर्माणको काम १० प्रतिशत मात्र

भदौ २५, २०७७ बिहीबार १७:१३:५ | केशवप्रसाद भट्टराई

ताप्लेजुङ – भारतको सीमाना विराटनगरको रानी र ताप्लेजुङको टिप्ताला जोड्ने नेपालकै छोटो उत्तर–दक्षिण ओलाङचुङगोला लोकमार्गमा पर्ने तमोर नदी माथिको पुल निर्माणको काम १० प्रतिशत मात्र काम सकिएको छ ।

ताप्लेजुङको आठराई त्रिवेणी गाउँपालिका १ निगुरादिन र पाँचथर जिल्लालाई जोड्ने तमोर नदी माथि बन्ने लिम्बुनी पुलको काम २०७७ भदौ ५ गते सम्ममा सकिनु पर्ने थियो । तर पुल निर्माणको लागि तोकिएको समय सकिँ‌दा पनि निर्माण १० प्रतिशत मात्र भएको उत्तर–दक्षिण ओलाङचुङगोला लोकमार्ग कार्यालयका सूचना अधिकारी संजिव गुप्ताले बताउनुभयो ।

२२ करोड रुपैयाँको लागतमा सपना याक्थुङवा जेभी कन्स्ट्रक्सनले २०७४ साल फागुन ६ गते सम्झौता गरी १०२ मिटर लम्बाईको यो पुल निर्माणको काम शुरु गरेको थियो । पुल बनाउन ठेक्का लिने कम्पनीको लापरबाहीका कारण काम ढिला भएको बताइन्छ । विराटनगरको रानी भन्सारबाट धनकुटाको मूलघाट हुँदै तमोर नदीको किनारै किनार निर्माण हुँदै गरेको यस सडकमा लिम्बुनि पुल नबन्ने हो भने सडकको कुनै अर्थ नहुने देखिन्छ ।

उत्तर–दक्षिण ओलाङचुङगोला मार्गमा करोडौंको लागतमा दर्जनाैं पुलहरु निर्माण भइरहेका छन् । ओलाङचुङगोला मार्गमा थिवाखोला पुल ४ करोडको लागतमा बन्दै छ भने फुङलिङ नगरपालिका र मिक्वाखोला जोड्ने तमोर नदी माथि १७ करोडको लागतमा अर्को पुल निर्माण भइरहेको छ ।

ताप्लेजुङ–ओलाङचुङगोलामा पर्ने याफ्रे खोलामा बेलिबृज बनि सकेको छ । फुरुम्बु खोलामा ३ करोड ७ लाखको लगानीमा पुल निर्माण सम्पन्न भइसकेको सूचना अधिकारी गुप्ताले बताउनुभयो । यसै मार्गमा पर्ने तावाखोलामा ३ करोड ७ लाखको लागतमा अर्काे पुल निर्माण भइरहेको छ ।

यसैगरी यसै मार्गमा पर्ने थिवा खोलामा पनि ४ करोडको लागतमा पुल निर्माण गरिएको छ । यस मार्गमा दर्जनाैं खोलाहरु रहेका छन् । तीमध्ये तमोर नदीको तापेथोक र लेलेप जोड्ने तमोर नदीमाथि बन्ने रानी पुलको ठेक्का यो वर्ष खुल्ने सूचना अधिकारी गुप्ताले जानकारी दिनुभयो ।

त्यस्तै तापेथोक नजिकै रहेको सिसंवा खोलाको प्रस्ताप पारित भएर आएको र ठेक्काको प्रकृया अगाडि बढेको छ । ताक्मावा खोलामा पनि यसै वर्षदेखि पुल निर्माण सुरु हुने ओलाङ्चुङगोला उत्तरदक्षिण सडक आयोजना कार्यालयका सूचना अधिकारी ईन्जिनियर संजिवकुमार गुप्ताले बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्