घुस लिएको आठ लाख रुपैयाँ भुइँमा फालेर भागे गाउँपालिकाका अध्यक्ष

 फागुन १८, २०७७ मंगलबार १२:१:३३ | उज्यालो सहकर्मी
unn.prixa.net

काठमाण्डाै - धनुषाको बटेश्वर गाउँपालिका अध्यक्ष घुस लिएको आठ लाख रुपैयाँ भुइँमा फालेर फरार भएका छन् ।

अध्यक्ष डम्बरबहादुर राउत क्षेत्रीले भवन निर्माण सम्पन्नपछि भुक्तानी दिने प्रयोजनका लागि सेवाग्राहीसँग घुस मागेको सूचनाको आधारमा अख्तियारको टोली खटिएको थियो ।

अध्यक्ष डम्बरबहादुर राउत क्षेत्री गाउँपालिकाको गाडीमा भाग्ने क्रममा अख्तियारको टोलीलाई देखेपछि आठ लाख रुपैयाँ भुइँमा फालेर भागेका अख्तियारले जनाएको छ ।

अख्तियारको टोलीले आठ लाख रुपैयाँ  र गाउँपालिकाका अध्यक्षका चालक वीरबहादुर मगरलाई पक्राउ गरेको छ । 

अन्तिम अपडेट: बैशाख २, २०७८

तपाईको प्रतिक्रिया