काठमाण्डाैको वायुमण्डलमा आज केही सुधार, तर प्रदूषण विश्वकै उच्च हानिकारक अवस्थामा

चैत १८, २०७७ बुधबार ८:९:५२ | उज्यालो सहकर्मी

काठमाण्डाै – काठमाण्डाैको वायु प्रदूषणको अवस्था फेरि विश्वकै सबैभन्दा उच्च हानिकारक अवस्थामा पुगेको छ ।

चीनको बेइजिङ, भारत, पाकिस्तान लगायत देशमा भने वायु प्रदूषण कम हुँदै गएको छ । ती देशहरुमा वायु प्रदूषण कम हुँदै गएपछि काठमाण्डाैको अहिलेको वायु प्रदूषणको अवस्था विश्वकै पहिलो नम्बरमा देखिएको हो । काठमाण्डाैको अहिलेको वायु प्रदूषण मापन गर्ने एक्यूआई दुइ सय २१ रहेको छ । यो केही दिनअघिको भन्दा कम भने हो ।

काठमाण्डाैको भैंसेपाटी, रत्नपार्कलगायत क्षेत्रमा सबैभन्दा धेरै वायु प्रदूषण देखिएको छ । केही दिनअघि काठमाण्डाैको एक्यूआई चार सय ७० भन्दा माथि पुगेको थियो । एक्यूआई २ सयभन्दा माथिको अवस्थालाई उच्च हानिकारक मानिन्छ ।

यस्तै काठमाण्डाैसहित देशका अरु विभिन्न ठाउँमा वायु प्रदूषण अझै कायमै छ । सौराहा, हेटौंडालगायत ठाउँमा पनि अहिले वायु प्रदूषण उच्च हानिकारक अवस्थामा पुगेको वन तथा वातावरण विभागले जनाएको छ । वायु प्रदूषण उच्च भएसँगै शुक्रबारसम्मका लागि देशभरका विद्यालय बन्द गरिएको छ ।

स्वास्थ्यमा विभिन्न असर देखिन सक्ने भएकोले विशेष सावधानी अपनाउन डाक्टरले सल्लाह दिएका छन् । यसअघि गएको पुसमा पनि नेपालमा वायु प्रदूषण उच्च हानिकारक अवस्थामा पुगेको थियो ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्