लाङटाङबाट मतपेटिका बाेकेर मतगणनास्थल पुर्याइँदै

वैशाख ३१, २०७९ शनिबार १०:५९:३३ | उज्यालो सहकर्मी

रसुवा - रसुवाकाे गोसाइँकुण्ड गाउँपालिका–४, लाङटाङको मतपेटिका ढुवानी सुरु भएको छ । यसपटक मतपत्र ढुवानीको लागि हेलिकप्टरको व्यवस्था नहुँदा मान्छेले बोकेर ढुवानी गर्दै छन् । अन्य क्षेत्रको मतपेटिका शुक्रवार नै गणनास्थलमा पुर्याएर मतगणना सुरु गरिएको छ ।

यसअघि भएका चुनावमा लाङटाङको मतपेटिका हेलिकप्टर मार्फत ल्याउने गरिएको थियो । तर यसपटक गृह मन्त्रालयले हेलिकप्टरको प्रयोग हुने ठाउँमा पनि मान्छेले नै ढुवानी गर्ने परिपत्र गरेका कारण शुक्रवार ल्याउन सम्भव नभएको हो ।

जिल्ला निर्वाचन अधिकारी श्रीराम थापाले गोसाइँकुण्ड गाउँपालिकाको मतगणना आज बुलकादेखि सुरु गरिने जानकारी दिनुभयो । ‘लाङटाङको मतपेटिका आज बेलुकासम्ममा आइपुग्छ’, उहाँले भन्नुभयो ‘मतपेटिका आएपछि सर्वदलीय बैठक बसेर मतगणना सुरु गर्छौं ।’

रसुवाको गोसाइँकुण्ड गाउँपालिका–४ मा रहेकाे लाङटाङमा ८३ दशमलव १९ प्रतिशत मत खसेको छ । यस वडामा ३ सय ६३ मतदाता थिए । जसमा ३ सय २ मत खसेको हो । त्यहाँ १ सय ६२ पुरुष र १ सय ४० महिलाले मतदान गरेका छन् । गोसाइँकुण्ड गाउँपालिका–४ मा रहेकाे सामुदायिक भवनमा मतदान केन्द्र राखिएको थियो ।

चुनाव गराउनका लागि चार सदस्यीय टोली लाङटाङ गएको थियो । जसमा मतदान अधिकृत गोपी विश्वकर्मा, सहायक मतदान अधिकृत प्रेम शङ्करप्रसाद, सहायक कर्मचारी राजकुमार थापा पहरी र कार्यालय सहयोगीको रूपमा नन्दलाल न्यौपाने खटाइएको थियो । ५ सयभन्दा कम मतदाता रहेका केन्द्रमा ४ जना कर्मचारी खटाइने प्रावधान अनुसार चार जना कर्मचारी खटाइएको हो। जिल्लामा यसपटक करिब ७७ प्रतिशत मत खसेको थियो ।

जिल्लामा ३८ हजार ५ सय ४५ मतदाता रहेका छन् । जसमा १९ हजार ६ सय ८९ पुरुष र १८ हजार ८ सय ८५ महिला रहेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्