डाक्टर गाउँमा जानै मान्दैनन् : स्वास्थ्य मन्त्री खापुङ

असार १६, २०७९ बिहीबार १६:७:२७ | उज्यालो सहकर्मी

काठमाण्डौ – स्वास्थ्य तथा जनसङ्ख्या मन्त्री भवानीप्रसाद खापुङले डाक्टरहरू दुर्गम क्षेत्रमा जान नमान्दा सबै क्षेत्रमा स्वास्थ्य सेवा पुग्न नसकेको बताउनुभएको छ ।

आज बिहीवार नेपाल स्वास्थ्य प्राविधिक सङ्घको ४४ औँ स्थापना दिवसलाई सम्बोधन गर्दै मन्त्री खापुङले यस्तो बताउनुभएको हो । उहाँले अहिले देशका विभिन्न जिल्लाबाट दरबन्दी खाली रहेको भन्दै डाक्टर तथा नर्स पठाइदिन आग्रह गरे पनि स्वास्थ्यकर्मीहरू जान नमान्दा देशका सबै क्षेत्रमा स्वास्थ्यको सुनिश्चितता हुन नसकेको बताउनुभयो ।

उहाँले भन्नुभयो, ‘म स्वास्थ्य मन्त्री भएको दुई दिनमात्र भएको छ । यो दुई दिनको अवधिमा धेरै मान्छेले जिल्लामा डाक्टर पठाइदिनुपर्‍याे दरबन्दी यति छ भनेर आउनुभएको छ । नर्स पठाइदिनुपर्‍याे दरबन्दी यति छ भनेर आउनुभएको छ । कोही जान तयार हुनुहुन्न ।’

मन्त्री खापुङले स्वास्थ्यकर्मीहरूरुले जुनकुनै बेला कुनै क्षेत्रमा पनि जानुपर्नेछ भन्ने मानसिकताको विकास गर्न आवश्यक रहेको बताउनुभयो । अहिले सरकार सङ्घीयताको कार्यान्वयनमा रहेको उल्लेख गर्दै समायोजनमा पनि अनेक समस्या सिर्जना भइरहेको उहाँको भनाइ छ ।

मन्त्री खापुङले स्वास्थ्यकर्मीहरू जुनकुनै क्षेत्रमा जान तयार हुने हो भने संविधानमा उल्लेख भएको स्वास्थ्यसम्बन्धी हकलाई कार्यान्वयन गर्ने कुरामा थप बल पुग्ने विश्वास व्यक्त गर्नुभयो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Roshan khadka
July 1, 2022, 6:37 a.m.
मन्त्रीज्युलाई यो थाहा छ कि छैन लोकसेवा अन्तर्गत के कति चिकित्सक छ्न , लगभग १४०० र सबैजना धेरै जसो सुगम आफुले कमाउन मिल्ने ठाउँमा नै बस्छ्न र जो दुर्गम जान्छ्न उनिहरु आफ्नो बढुवाको मापदण्ड पूरा गर्न मात्र जाने गर्छ्न ।अब जसरी एन एम सिले प्रतेक ३ महिनामा लाईसेन्सको जाँच लिन्छ त्यसरी नै कम से कम लोकसेवाले सबै बिधामा ६ ६ महिनामा खोलेर गर्नुस त्यस्तो बौद्धिक जनशक्ति देशैको सेवा गर्नेछ्न ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

डाक्टर गाउँमा जानै मान्दैनन् : स्वास्थ्य मन्त्री खापुङ

1 Comments

Roshan khadka

तपाईको प्रतिक्रिया

तपाईको प्रतिक्रिया