वैदेशिक रोजगारीमा जाने सीपयुक्त श्रमिकको सङ्ख्या बढ्दै

वैशाख २१, २०८० बिहीबार १३:१५:९ | उज्यालो सहकर्मी

काठमाण्डौ – नेपालबाट वैदेशिक रोजगारीमा जाने सीपयुक्त श्रमिकको सङ्ख्या बढ्न थालेको छ ।

लामो समयदेखि नेपालबाट हातमा सीप नभएका श्रमिकहरू बिदेसिने क्रम रहँदै आएपछि पछिल्लो केही समययता दक्ष श्रमिकको सङ्ख्या बढ्दै गएको वैदेशिक रोजगार विभागले श्रम स्वीकृति दिएको तथ्याङ्कले देखाएको छ ।

आर्थिक वर्ष २०७७/२०७८ मा कोरोना महामारीको कारण एक लाख ६६ हजार ६९८ जना वैदेशिक रोजगारीमा गएकोमा ७० हजारभन्दा धेरै दक्ष अर्थात् सीपयुक्त रहेको विभागको तथ्याङ्क छ ।

यस आर्थिक वर्षमा ८० हजार तीन सय ८२ जना अदक्ष(सीप नभएका) श्रमिकलाई विभागले श्रम स्वीकृति दिएको छ भने १५ हजार ५८३ जना अर्धदक्ष श्रमिकले श्रम स्वीकृति लिएका छन् ।

अघिल्लो आर्थिक वर्ष २०७८/२०७९ मा ६ लाख ३० हजार ९० जनाले वैदेशिक रोजगारीमा जान श्रम स्वीकृति लिएकोमा दुई लाख ९१ हजार ८८९ जना दक्ष(सीपयुक्त) श्रमिक रहेका छन् । यो सङ्ख्या अदक्ष श्रमिकभन्दा झण्डै १० हजारले बढी हो ।

अदक्ष श्रमिकको रूपमा श्रम स्वीकृति लिनेहरूको सङ्ख्या दुई लाख ८३ हजार ६८ जना रहेको विभागले जनाएको छ ।

यस आर्थिक वर्षमा ५४ हजार ३२८ जना अर्धदक्ष, ६८० जना व्यवसायीक र १२५ जना उच्च सीप भएकाहरूले वैदेशिक रोजगारीमा जान श्रम स्वीकृति लिएका छन् ।

चालु आर्थिक वर्षमा पनि यो सङ्ख्या बढ्दो

चालु आर्थिक वर्षमा पनि वैदेशिक रोजगारीमा जान सरकारसित श्रम स्वीकृति लिनेहरूमा दक्ष श्रमिककै सङ्ख्या बढी रहेको छ । चालु आर्थिक वर्षको साउन महिनामा वैदेशिक रोजगारीमा जान ६३ हजार ३९ जनाले श्रम स्वीकृति लिँदा ३८ हजार ७७ जना दक्ष श्रमिक रहेका छन् ।

जसमा ३३ सय ९६ जना महिला र ३४ हजार ६८१ जना पुरुष रहेका छन् । भदौ महिनामा ७६ हजार ४०३ जनाले वैदेशिक रोजगारीमा जान श्रम स्वीकृति लिएका छन् । जसमा सबैभन्दा धेरै दक्ष श्रमिकको सङ्ख्या रहेको छ । ४१ हजार ८३२ जना पुरुष र ४ हजार २३७ जना महिला गरी ४६ हजार ६९ जनाले दक्ष श्रमिकको रूपमा श्रम स्वीकृति लिएका छन् ।

यस्तै असोजमा महिनामा ६२ हजार ७०६ जनाले श्रम स्वीकृति लिँदा ३९ हजार ७९० जना दक्ष श्रमिकले श्रम स्वीकृति लिएका छन् । यो सङ्ख्या क्रमशः बढ्दै गएको विभागले जनाएको छ ।

गएको चैत महिनामा वैदेशिक रोजगारीमा जाने ६१ हजार ४७८ जनामा ४१ हजार ७२९ जना सीपयुक्त श्रमिक रहेको विभागले जनाएको छ ।

पछिल्लो समय वैदेशिक रोजगारीमा जानेहरू आफैँमा पनि सीप सिकेर मात्र वैदेशिक रोजगारीमा जानु पर्छ भन्ने भावना विकसित भएकाले वैदेशिक रोजगारीमा सीपयुक्त श्रमिकको सङ्ख्या बढ्दै गएको विज्ञहरू बताउँछन् ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वैदेशिक रोजगारीमा जाने सीपयुक्त श्रमिकको सङ्ख्या बढ्दै

फाइल तस्बिर

चालु आर्थिक वर्षमा पनि यो सङ्ख्या बढ्दो

तपाईको प्रतिक्रिया