गोरखाका ७ वटा स्वास्थ्य संस्थालाई एम्बुलेन्स हस्तान्तरण

पुष १९, २०८० बिहीबार १९:५१:३ | उज्यालो सहकर्मी

गाेरखा – सम्भव नेपाल नामक गैरसरकारी संस्थाले गोरखाका सात वटा स्वास्थ्य संस्थालाई एम्बुलेन्स प्रदान गरेको छ । सम्बन्धित पालिकामार्फत स्वास्थ्य संस्थाहरूलाई ‘ख’ वर्गको एम्बुलेन्स हस्तान्तरण गरिएको हो ।

आज बिहीवार गोरखा सदरमुकाममा आयोजित कार्यक्रममा गण्डकी प्रदेशका मुख्यमन्त्री सुरेन्द्रराज पाण्डेले पालिकाका जनप्रतिनिधि र कर्मचारीलाई एम्बुलेन्स हस्तान्तरण गर्नुभयो । चुमनुब्री गाउँपालिकाको सिर्दिबास स्वास्थ्य चौकी, गण्डकी गाउँपालिकाको दर्बुङ स्वास्थ्य चौकी, आरुघाट गाउँपालिकाको थुमी स्वास्थ्य चौकी, पालुङटार नगरपालिकाको मिरकोट कोटगढी आधारभूत स्वास्थ्य चौकी, सिरानचोक गाउँपालिकाको श्रीनाथकोट स्वास्थ्य चौकी, अजिरकोट गाउँपालिकाको भच्चेक आधारभूत अस्पताल र बारपाक सुलीकोट गाउँपालिकाको सहिद प्रेम ढकाल स्मृति आधारभूत अस्पताललाई एक/एक थान एम्बुलेन्स उपलब्ध गराइएको हो । पालुङटार नगरपालिकालाई उपलब्ध गराउने एम्बुलेन्स भने भन्सार जाँचपासकै क्रममा रहेको कार्यक्रममा बताइएको छ ।

मुख्यमन्त्री पाण्डेले लक्षित नागरिकले सहजै उपभोग गर्न सक्ने गरी एम्बुलेन्स सञ्चालन गर्न आग्रह गर्नुभयो । कार्यक्रममा सम्भव नेपालका अध्यक्ष प्रेमकुमार खत्रीले भन्सार छुटसहित सात वटा एम्बुलेन्सको लागत दुई करोड २८ लाख ८० हजार रुपैयाँ रहेको जानकारी दिनुभयो ।

सम्भव नेपालले यसअघि गाेरखाका छ वटा पालिकालाई ‘ग’ वर्गको एम्बुलेन्स उपलब्ध गराएको थियो । यो पटक एम्बुलेन्ससँगै झन्डै ४५ लाख रुपैयाँ बराबरको स्वास्थ्य सामग्री पनि उपलब्ध गराइएको खत्रीले जानकारी दिनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्