ध्रुवे हात्तीले चितवनकाे वयरघारी क्षेत्रमा चार वटा घर भत्कायो

पुष २०, २०८० शुक्रबार ८:४५:१३ | उज्यालो सहकर्मी

काठमाण्डाै - चितवन राष्ट्रिय निकुञ्जमा रहेको ध्रुवे हात्तीले बस्तीमा पसेर चार वटा घर भत्काएको छ । निकुञ्जका सूचना अधिकारी गणेशप्रसाद तिवारीका अनुसार यो हात्तीले भरतपुर महानगरपालिका–२३ वयरघारी क्षेत्रमा चार वटा घर भत्काएको हो ।

अस्ति बेलुका माडी क्षेत्रमा देखिएको ध्रुवे हात्ती हिजो वयरघारी क्षेत्रमा आइपुगेको थियो । अरु हात्ती शान्त भए पनि ध्रुवे हात्ती उग्र बनेको तिवारीले बताउनुभयो । हात्तीलाई डाट गरेर रेडियोकलर जडान गरिएको छ । रेडियोकलरबाट नियमन गरिएको भए पनि बस्तीमा पस्न भने नछाडेको उहाँले बताउनुभयो ।

हात्ती बस्ती पसेको जानकारी पाएसँगै निकुञ्जका कर्मचारी, नेपाली सेना, समुदायमा आधारित संस्थामार्फत जानकारी गराउने गरिएको छ । हात्तीलाई बस्ती पस्न नदिनका लागि स्रोत, साधनले सकेसम्म उच्चस्तरको प्रविधि प्रयोग गरिएको भए पनि रोक्न नसकिएको निकुञ्जका सूचना अधिकारी तिवारीले बताउनुभयो ।

हात्ती बस्तीमा पस्न थालेपछि निकुञ्जले निकुञ्ज आसपास बसोबास गर्नेलाई सतर्कता अपनाउन अनुरोध गरेको छ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ध्रुवे हात्तीले चितवनकाे वयरघारी क्षेत्रमा चार वटा घर भत्कायो

फाइल तस्बिर

तपाईको प्रतिक्रिया