जानकी मेडिकल कलेजका कर्मचारी आन्दोलित

वैशाख २७, २०७६ शुक्रबार ९:३१:३५ | शैलेन्द्र महतो

धनुषा – जानकी मेडिकल कलेज एवं शिक्षण अस्पतालका कर्मचारीहरु आन्दोलित भएका छन् । कलेज व्यवस्थापन पक्षले विगतमा गरेको सहमति सम्झौता कार्यान्वयन नगरेको विरोधमा कर्मचारीहरु बिहीबार आन्दोलनमा उत्रेका हुन् ।

कर्मचारीहरुले बिहीबार अस्पतालको ओपीडी सेवा एक घण्टा ठप्प गरेका थिए । उनीहरुले शुक्रबार बिहान १० बजेदेखि १२ बजेसम्म दुई घण्टा ओपीडी सेवा ठप्प गर्न लागेको कर्मचारी हकहित संरक्षण समितिका संयोजक उमेश यादवले बताउनुभयो । कर्मचारीको आन्दोलनले जानकी मेडिकल कलेज शिक्षण अस्पतालको साथै जनकपुरको ब्रह्मपुरीमा शाखा अस्पतालको रुपमा रहेको सीटी अस्पतालको सेवा समेत प्रभावित भएको छ ।

समयमा तलबभत्ता नदिँदा १० महिना अघि कर्मचारकिो आन्दोलनले धारासायी भएको मेडिकल कलेजल अवस्था व्यवस्थापन पक्षले विभिन्न सहमति सम्झौता गरेपछि समान्य रुपमा सञ्चालन हुँदै आएको थियो । तर विगतमा कलेज संचालक पक्षका ओम प्रकाश पाण्डेले आफूहरुसँग गरेको सहमति सम्झौता कार्यान्वयन नगरेको कर्मचारीहरुको आरोप छ ।

‘१० वर्षदेखि कार्यरत्त कर्मचारीलाई विना कुनै कसुर, पूर्व सूचना र स्पष्टीकरण समेत नलिई बायोमेट्रिकबाट हाजिरी हटाउने जस्ता अन्यायपूर्ण कदमले हामीहरुको भविष्य अन्धकारमय हुने निश्चित छ’, सघंर्ष समितिका संयोजक यादवले भन्नुभयो ‘हामी कर्मचारीहरुले गरेको श्रमको तलब, संस्थाको भविषयसँगसँगै सबैको भविष्य सुरक्षित गर्न विगतमा व्यवस्थापन पक्षले गरेको सहमति सम्झौता कार्यान्वयन गर्न एवम् पारदर्शी तरिकाले अगाडि बढ्न यो आन्दोलनमा उत्रेका छौँ ।’

विगतमा गरेको सहमति कार्यान्वयन नभए कडा आन्दोलनमा उत्रिन बाध्य हुने संघर्ष समितका संयोजक यादवले चेतावनी समेत दिनुभएको छ । कर्मचारीहरुले अगामी वैशाख ३१ गते पत्रकार सम्मेलन गरी संघर्षका अन्य कार्यक्रम घोषणा गर्ने जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्