हुम्ला जीप दुर्घटना : तालिमप्राप्त गाेताखाेर नहुँदा उद्दारमा ढिलाइ

असार ३, २०७६ मंगलबार १६:३८:५३ | उज्यालो सहकर्मी

हुम्ला– हुम्लाको खार्पुनाथ गाउँपालिकाका उपाध्यक्ष चढेको जीप मंगलबार कर्णाली नदीमा खसेको छ ।

जीप दिउँसो नदीमा खसेको भए पनि जीपमा कति जना थिए भन्नेबारे अहिलेसम्म पनि खुल्न सकेको छैन ।

नदीमा खसेकाहरुको उद्दार गर्न कठिनाइ भएको गाउँपालिका अध्यक्ष कर्णबहादुर रावलले बताउनुभयो ।

उद्दारका लागि स्थानीय प्रहरी घटनास्थल पुगेको भए पनि आवश्यक प्रविधि नहुँदा नदीमा पसेर खोजी गर्न कठिनाई भएको उहाँले बताउनुभयो । कर्णालीकाे पानी चिसाे भएकाले स्थानीय उद्दारकर्मी पनि नदीमा पस्न नसकेकाे रावलले बताउनुभयाे ।

नदीमा हराइरहेकाहरुको तालिम प्राप्त गोताखोरको सहयोगले मात्रै खोजी गर्न सकिने भएकाले आफूहरुले केन्द्रमा यसबारे जानकारी दिएको दुर्घटनास्थलमा रहेका खार्पुनाथ गाउँपालिका वडा नम्बर ५ का वडा अध्यक्ष भीमराज शाहीले बताउनुभयो ।

उद्दारका लागि भन्दै जिल्लाबाट आएको टोली नदीमा छिर्न नसकेपछि फोटो खिचेर तालिमप्राप्त उद्दारकर्तासहित आउने भन्दै फर्केको उहाँले बताउनुभयो ।

खार्पुनाथ–५ कैलाबालु भन्ने ठाउँबाट लट नम्बर नखुेलेको ७१६६ नम्बरको जीप दिउँसो कर्णालीमा खसेको थियो ।

जीपमा गाउँपालिकाका उपाध्यक्ष सिन्धु हमालसहित अरु पनि चढेको अनुमान गरिए पनि को को थिए भन्नेबारे खुल्न सकेको छैन ।

पल्लो खार्पुनाथबाट याङचु गाउँपालिका जाँदै गरेको जीप कर्णाली नदीमा खसेको जिल्ला प्रहरी कार्यालय हुम्लाले जानकारी दिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्