घुससहित सिरहा मालपोतका नायब सुब्बा पक्राउ

साउन १३, २०७६ सोमबार १६:३४:२५ | शैलेन्द्र महतो

धनुषा – जिल्ला मालपोत कार्यालय सिरहाका नायब सुब्बा र एक लेखापढी व्यवसायी ५ हजार रुपैयाँ घुससहित पक्राउ परेका छन् ।

सोमबार दिउँसो एक सेवाग्राहीलाई काम गरिदिएवापत लेखापढी व्यवसायी राजवंशी चौधरीमार्फत पाँच हजार रुपैयाँ घुस लिँदै गरेको बेला कार्यालयका नायब सुब्बा मिथिलेश ठाकुर पक्राउ परेका हुन् । उनीहरु दुवैजनालाई अख्तियार दुरुपयोग अनुसन्धान आयोग बर्दिबासको टोलीले पक्राउ गरेको हो ।

मोही लगत कट्टा गरिदिन एक सेवाग्राहीसँग नासु ठाकुरले लेखापढी व्यवसायी मार्फत पाँच हजार रुपैयाँ लिएका थिए । ती सेवाग्राही पटक–पटक मोही लगत कट्टाको कामको लागि कार्यालय धाउँदासमेत नासु ठाकुरले विना घुस काम गरेका थिएनन् । घुस मागेपछि ती सेवाग्राहीले अख्तियार दुरुपयोग अनुसन्धान आयोगको कार्यालयमा जानकारी गराएका थिए ।

सोमबार कार्यालयमा काम गराउन ती सेवाग्राही घुस रकम लिएर पुगेका थिए भने अख्तिबयार त्यसको निगरानी गरिरहेको थियो । सेवाग्राहीले नासुले भने अनुसार घुस रकम लेखापढी व्यवसायी चौधरीलाई बुझाएका थिए ।

लेखापढी व्यवसायी चौधरीले नासु ठाकुरलाई घुस रकम दिइरहेको बेलामा अख्तियारको टोलीलले उनीहरु दुवै जनालाई पक्राउ गरेको हो । दुवै जना माथि थप अनुसन्धान भइरहेको जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्