जनकपुरकाे फुटपाथमा नरिवल बेच्ने किशाेरमाथि प्रहरी जवानले गरे कुटपिट

भदौ १२, २०७६ बिहीबार १८:४९:३३ | शैलेन्द्र महतो

धनुषा – जनकपुरको फुटपाथमा नरिवल बेचेर गुजारा गर्दै आएका एक जना किशोरलाई प्रहरी जवानले कुटपिट गरेका छन् ।

जनकपुरको जानकी मन्दिरको उत्तरपट्टि रहेको जानकी चोकको फुटपाथमा नरिवल बेच्ने १६ वर्षका रोशनकुमार चौधरीलाई बिहीबार दिउँसो प्रहरी जवानले कुटपिट गरेका हुन् ।

जानकी मन्दिर परिसरका पर्यटक प्रहरी जवान प्रेमशंकर यादवले ती किशोरमाथि कुटपिट गरेका हुन् । ती किशोरको गालामा प्रहरी जवान प्रेमशंकरले मुक्का हानेका हुन् । मुक्काको चोट रोशनको गालामा प्रत्यक्ष देखिन्छ ।

जनकपुरधाम उपमहानगरपालिका–४ विश्वकर्मा चोक बस्ने रोशनलाई कुटपिट गरेपछि गुहार गर्दा प्रहरी जवान शंकर भागेका थिए । प्रहरी जवानले मागे अनुसार पैसा नदिँदा आफूलाई कुटपिट गरेको रोशनले दु:खेसो पोख्नु भएको छ । पैसा दिने व्यापारीहरुलाई केही नगरेको र आफूले पैसा नदिँदा कुटपिट गरेको उहाँले बताउनु भयो ।

धनुषाका प्रहरी नायब उपरीक्षक रामेश्वर कार्कीले घटनाको विषयमा आफू अनभिज्ञ रहेको बताउँदै पीडितसँगको बयानअनुसार घटनाको अनुसन्धान गर्ने बताउनुभयो ।

यसअघि मंगलबार प्रदेश २ का प्रहरी नायब महानिरीक्षक प्रद्युम्न कार्कीले प्रहरी संगठनभित्र गलत क्रियाकलाप गर्ने जुनसुकै प्रहरीलाई कारबाही बाँकी नराख्ने प्रतिबद्धता जनाएको दुई दिन नबित्दै प्रहरी जवानले यस्तो घटना घटाएका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्