काभ्रे  - पनाैतीमा प्रशासनले मंगलबार बिहान ९ बजे देखि लगाएको कर्फ्यु हटेकाे छ ।

जिल्ला प्रशासन कार्यालय काभ्रेपलाञ्चाेकले एक विज्ञप्ति निकालेर मंगलबार साँझ ८ बजेदेखि कर्फ्यु हटाइएकाे जानकारी दिएकाे हाे ।

यसअघि प्रमुख जिल्लाअधिकारी श्रवणकुमार तिमल्सिनाले  वस्तुगत स्थिति विश्लेषण गरेर मात्रै कर्फ्यु हटाइने जानकारी दिनुभएकाे थियाे ।

सम्बन्धित समाचार

पनौती टिप्पर दुर्घटना : कानुनी कारबाहीको माग, कर्फ्यु नहट्ने

काभ्रेकाे पनाैतीमा अनिश्चितकालीन कर्फ्यु

टिप्परकाे ठक्करबाट आमाछाेरीकाे ज्यान गएपछि पनाैतीमा झडप, प्रहरी र स्थानीय घाइते

---

मंगलबार दिउँसाे जिल्ला प्रशासन कार्यालय धुलिखेलमा भएको छलफलमा मान्छे मारेपछि क्षतिपूर्ति लिएर चालकलाई उन्मुक्ति दिनेभन्दा पनि चालकलाई कडाभन्दा कडा कारबाही गर्न मृतकका आफन्तले माग गरेका थिए ।

छलफलकै क्रममा प्रशासनले पीडितको माग अनुसार चालकलाई कारबाही गर्ने र व्यवसायीले कानुन अनुसारको क्षतिपूर्ति उपलब्ध गराउने सहमति भएपछि आफन्तले शव भने बुझेका थिए।