काठमाण्डौ - काठमाण्डौको पेप्सीकोलामा रहेको सनसिटी अपार्टमेन्टमा रहेकाको र्यापिड टेष्ट किट आरडीटी विधिबाट कोरोना भाइरस परीक्षण सुरु भएको छ ।

परीक्षणमा सबैको रिपोर्ट नेगेटिभ आएको स्वास्थ्य मन्त्रालयले जनाएको छ ।

मन्त्रालयले आज पत्रकार सम्मेलनमार्फत सनसिटी अपार्टमेन्टको ब्लक ‘ए’ मा बस्दै आएका २ सय ९८ जनाको परीक्षण गरेको र उनीहरुको रिपोर्ट नेगेटिभ आएको बताएको हो । मंगलबार यही अपार्टमेन्टमा बस्ने दुई जनामा कोरोना भाइरस ९कोभिड–१९० सङ्क्रमण पुष्टि भएपछि अन्यको पनि परीक्षण गरिएको हो ।

ब्लक ‘ए’ मा बस्दै आएका एकै परिवारका तीन जनामा आरडिटीबाट गरिएको परीक्षणमा कोरोना पोजेटिभ देखिएको थियो भने पीसीआर बिधिबाट गरिएको परीक्षणमा २ जनाको रिपोर्ट पोजेटिभ आएको  थियो । तर एक जनाको रिपोर्ट भने नेगेटिभ आएको मन्त्रालयका प्रवक्ता डाक्टर विकास देवकोटाले बताउनुभयो ।

यस्तै, मन्त्रालयले कोरोना संक्रमित विरामीको पहिचान नखुलाउन पनि सञ्चार माध्यमलाई आग्रह गरेको छ  । विरामीको अनुमति विना पहिचान सार्वजनिक नगर्न मन्त्रालयले आग्रह गरेको हो ।

यो पनि पढ्नुहोस्

खाडी र मलेसियामा बुधबारसम्ममा कोरोना सङ्क्रमितकाे सङ्ख्या २२ हजार नाघ्याे, समस्या परे यी नम्बरमा सम्पर्क गर्नुहाेस्

---